Мацвей Захаравіч Беляніцкі

Мацвей Захаравіч Беляніцкі
Мацвей Захаравіч Беляніцкі
Дата нараджэння	26 студзеня 1909
Месца нараджэння	Магілёў, Магілёўская губерня, Расійская імперыя;
Дата смерці	17 сакавіка 1990 (81 год)
Грамадзянства	Беларусь;
Род дзейнасці	мастак
Месца працы	Мінскі дзяржаўны мастацкі каледж імя А. К. Глебава;
Жанр	сюжэтна-тэматычная карціна і пейзаж
Вучоба	Беларускі дзяржаўны мастацкі тэхнікум (1930); Маскоўскі дзяржаўны акадэмічны мастацкі інстытут імя В. І. Сурыкава[d] (1942);
Уплыў	Пётр Пакаржэўскі і Георгій Ражскі[d]
Член у	Беларускі саюз мастакоў;

Мацвей Захаравіч Беляніцкі (26 студзеня 1909, г. Магілёў — 17 сакавіка 1990) — беларускі мастак.

Біяграфія

Нарадзіўся 26 студзеня 1909 года ў г. Магілёве. Вучыўся ў Віцебскім мастацкім тэхнікуме (1925—1926), скончыў Маскоўскі інстытут выяўленчага мастацтва (1942). Вучыўся ў П. Пакаржэўскага і Г. Ражскага^[1].

Удзельнік мастацкіх выставак з 1927 года. Выкладаў у Мінскім мастацкім вучылішчы (1953—1957). Член Беларускага саюза мастакоў з 1946 года^[1].

Творчасць

Працаваў у жанрах фігуратыўнай карціны, пейзажу, а таксама партрэта і нацюрморта. Сярод асноўных твораў: кампазіцыі «Лыжны спорт у Чырвонай Арміі», «М. І. Калінін на мітынгу сярод беларускіх сялян, 1919 г.», «Фашысцкая грабармія на Беларусі» (1942), «Пасля вызвалення ад акупантаў» (1950), «Першы арышт Я. Коласа» (1960), «Пасля вайны. Размініраванне» (1961), «Паўстанне сялян. 1905 год» (1968), «Трывога», «Камберы», «Скачкі ў калгасе»; лірычныя пейзажы «Вясна прыйшла» (1943), «Мосцік» (1946), «Мінск. Бульвар Шаўчэнкі» (1974), «Сенакос» (1975), «Восень» (1977), «Вясёлка» (1982); цыкл «Белавежская пушча» (1958—1963); партрэт знатнага канявода^[1]^[2].

Работы мастака знаходзяцца ў Нацыянальным мастацкім музеі Беларусі, фондах Беларускага саюза мастакоў, Бабруйскім краязнаўчым музеі, Гродзенскім дзяржаўным гісторыка-археалагічным музеі^[1].

Крыніцы

↑ ^а ^б ^в ^г Беляніцкі Мацвей Захаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
↑ Беляніцкі Мацвей Захаравіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Літаратура

Беляніцкі Мацвей Захаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
Беляніцкі Мацвей Захаравіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).