Мошна (возера, Шумілінскі раён)

Мошна
Мошна
Морфаметрыя
Вышыня над узроўнем мора	140,8 м
Даўжыня	2,1 км
Шырыня	0,5 км
Плошча	0,65 км²
Аб’ём	0,00151 км³
Даўжыня берагавой лініі	6,03 км
Найбольшая глыбіня	3,9 м
Басейн
Плошча вадазбору	16,3 км²
Размяшчэнне
Краіна	Беларусь
Рэгіён	Віцебская вобласць
	; Мошна
	; Мошна

Мошна — возера ў Шумілінскім раёне Віцебскай вобласці Беларусі ў басейне ракі Сечна, за 4 км у напрамку на поўдзень ад гарадскога пасёлка Шуміліна, каля вёскі Прыазёрная.

Плошча паверхні возера 0,65 км². Даўжыня 2,1 км, найбольшая шырыня 0,5 км. Даўжыня берагавой лініі 6,03 км. Найбольшая глыбіня 3,9 м. Аб’ём вады 1,51 млн м³. Плошча вадазбору 16,3 км².
Катлавіна возера значна выцягнутая ў напрамку з захаду на ўсход. Схілы катлавіны маюць вышыню 3—5 м, у паўднёвай частцы возера дасягаюць вышыні 9 м. Берагавая лінія звілістая. Берагі нізкія, тарфяныя, на ўсходзе пясчаныя, у залівах сплавінныя. Дно возера выслана сапрапелем, месцамі (да глыбіні 2 м) пяском. Возера моцна зарастае падводнай расліннасцю. У Мошна ўпадаюць ручаі, у тым ліку з возера Круглік, і выцякае ручай у возера Дабееўскае.

У возеры расце рэдкі ахоўны від флоры — шальнік Валенберга (Alisma wahlenbergii)^[2]^[3].