Мікола Аляксеевіч Вішнеўскі

Мікола Аляксеевіч Вішнеўскі
Асабістыя звесткі
Дата нараджэння	28 сакавіка 1910(1910-03-28)
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	17 сакавіка 1986(1986-03-17) (75 гадоў)
Месца смерці	Мінск, БССР, СССР
Пахаванне	Паўночныя могілкі
Альма-матар	Менскі педагагічны тэхнікум (1931) Усерасійскі дзяржаўны ўніверсітэт кінематаграфіі імя С. А. Герасімава (1933)
Месца працы	Звязда Чырвоны сцяг За свабодную Беларусь Партызанская дубінка СБ. Беларусь сегодня Сельское хозяйство Белорусии
Прафесійная дзейнасць
Род дзейнасці	празаік
Грамадская дзейнасць
Член у	Саюз беларускіх пісьменнікаў
Узнагароды

Мікола Аляксеевіч Вішнеўскі (28 сакавіка 1910, Гомель — 17 сакавіка 1986, Мінск) — беларускі празаік.

Нарадзіўся 28 сакавіка 1910 года ў Гомелі сям’і рабочага. У 1931 г. скончыў Менскі беларускі педагагічны тэхнікум і стаў працаваць у газеце «Звязда». У 1932—1933 гг. вучыўся ва Усесаюзным інстытуце кінематаграфіі, потым зноў працаваў у «Звяздзе». У 1939 г. накіраваны на працу ў вілейскую абласную «Сялянскую газету»^[1].

На пачатку Вялікай Айчыннай вайны служыў у будаўнічым батальёне, потым у рэдакцыях франтавой газеты «За свабодную Беларусь», сатырычнага лістка «Партызанская дубінка». З лістапада 1942 г. спецкарэспандэнт газеты «Савецкая Беларусь», з 1944 г. загадчык сельскагаспадарчага аддзела, уласны карэспандэнт газеты «Звязда», а ў 1952—1967 гг. намеснік галоўнага рэдактара часопіса «Сельская гаспадарка Беларусі»^[1].

Член Саюза пісьменнікаў СССР і Беларусі з 1952 г^[1].

Памёр 17 сакавіка 1986 года ў Мінску. Пахаваны на Паўночных могілках Мінска^[1].

Узнагароджаны ордэнам «Знак Пашаны» і медалямі^[1].

З першым нарысам выступіў у 1933 г. (газета «Звязда»). Першае апавяданне апублікаваў у 1941 г. (газета «Звязда»). Аўтар зборнікаў апавяданняў і нарысаў «Майстар конегадоўлі» (Мінск, 1939), «Герой Сацыялістычнай Працы Еўдакія Кухарава» (Мінск, 1948) і «Скарб зямлі» (Мінск, 1951). Аўтар шэрагу навукова-папулярных і вучэбных фільмаў («Трактар „Беларусь“», 1955; «Залатое дно», 1962; «Жывы канвеер», 1964; «Севазвароты на Беларусі», 1966 і інш.)^[1].