Мілецій Антонавіч Андзілеўка

Мілецій Антонавіч Андзілеўка
Месца нараджэння	Лужкі
Грамадзянства	Беларусь
Альма-матар	Даўгаўпілскі ўніверсітэт
Узнагароды і прэміі	Заслужаны работнік народнай адукацыі Беларускай ССР[d] Выдатнік народнай асветы БССР[d]

Мілецій Антонавіч Андзілеўка (в. Лужкі, Шаркаўшчынскі раён, Віцебская вобласць^[1]) — беларускі настаўнік біялогіі і хіміі, былы дырэктар Лужкаўскай сярэдняй школы, заслужаны работнік народнай адукацыі Беларускай ССР.

Працоўны шлях пачаў у 1956 годзе, калі пасля заканчэння 10 класаў Лужкаўскай сярэдняй школы прыйшоў працаваць рахункаводам у Парэччаўскую школу Глыбоцкага раёна. Потым быў настаўнікам спачатку на Глыбоччыне, пазней у Лугаўской школе.

У 1969 годзе завочна закончыў Даўгаўпілскі педагагічны інстытут па спецыяльнасці настаўнік біялогіі і хіміі сярэдняй школы і праз некаторы час стаў выкладаць гэтыя прадметы ў Лужкаўскай сярэдняй школе.

Падчас сваёй працы ў Лужках стаў першым у Беларусі, каму прысуджана званне настаўнік-метадыст. У 1981 годзе узнагароджаны ордэнам «Знак Пашаны», у 1998 — медалём Францыска Скарыны, званні «Заслужаны работнік народнай адукацыі Беларускай ССР», «Выдатнік народнай асветы» і «Выдатнік асветы СССР».

• Шмат зрабіў для развіцця Лужкаўскай школы заслужаны работнік народнай адукацыі Беларускай ССР Мілецій Антонавіч Андзілеўка