Мінскі станкабудаўнічы завод імя С. М. Кірава

Мінскі станкабудаўнічы завод імя С. М. Кірава
Тып	адкрытае акцыянернае таварыства
Заснаванне	1883
Ранейшыя назвы	Завод «Камунар»
Краіна	Беларусь
Размяшчэнне	Мінск
Сайт	szkminsk.by

Мінскі станкабудаўнічы завод імя С. М. Кірава — станкабудаўнічае прадпрыемства ў Мінску, размешчанае па адрасе вул. Чырвонаармейская, 21.

Заснаваны ў 1883 годзе на базе кузні прадпрыемства «Кашарскі машынабудаўнічы і чыгуна-медна-металургічны завод». У сакавіку 1925 года створаны чыгуналіцейны і машынабудаўнічы завод «Метал». Праз тры гады, у 1928 годзе, «Метал» аб’яднаўся з заводам «Усход» і Цэнтральнымі сельскагаспадарчымі майстэрнямі. На іх базе быў створаны завод «Камунар». З 1934 года завод спецыялізуецца на станкабудаванні. У 1934 годзе заводу было нададзена імя Сяргея Міронавіча Кірава^[1].

У лютым 1973 года дырэктарам завода прызначаны Вячаслаў Францавіч Кебіч^[1].

Знаходзіцца пад санкцыямі Украіны з мая 2023 года^[2].

Спецыялізуецца на выпуску наступных відаў станочнага абсталявання^[3]:

• працяжныя станкі (гарызантальна-працяжныя, вертыкальна-працяжныя і вертыкальна-працяжныя здвоеныя);
• стужачна-адразныя станкі для разрэзкі чорных і каляровых металаў рознага профілю, якія забяспечваюць укараненне рэсурсазберагальных тэхналогій;
• рэйкарэзныя станкі некалькіх мадыфікацый для адначасовай разрэзкі і свідравання адтулін аб’ёмна-загартаваных рэек на металургічных заводах і рэйказварачных цягніках (РЗЦ);
• адразныя круглапільныя станкі, прызначаныя для разрэзкі дыскавымі піламі чорных і каляровых металаў з аўтаматычным і ручным рэжымам працы;
• нажовачныя адразныя станкі для халоднага рэзання металу;
• абразіўна-адразныя станкі для высокапрадукцыйнай разрэзкі;
• дрэваапрацоўчыя станкі прамысловага і бытавога прызначэння;
• электразварачныя станкі;
• тарфавозныя вагоны.

• Мінскі станкабудаўнічы завод імя С. М. Кірава // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 451. — 10 000 экз. — ISBN 985-11-0035-8. — ISBN 985-11-0169-9 (т. 10).

	Мінскі станкабудаўнічы завод імя С. М. Кірава на Вікісховішчы

• szkminsk.by — афіцыйны сайт Мінскага станкабудаўнічага завода імя С. М. Кірава