Міраслаў Шайбак

Міраслаў Шайбак (сапр. Міраслаў Вячаслававіч Адамчык, 6 жніўня 1965, Мінск) — беларускі паэт, празаік, драматург.

Нарадзіўся ў сям'і пісьменніка Вячаслава Адамчыка. У 1983 годзе скончыў вячэрнюю школу №12 і паступіў на філалагічны факультэт БДУ (скончыў у 1990 г.). У 1989 г. карэспандэнт часопіса «Бярозка», у 1990—1991 гг. — адказны сакратар часопіса «Беларусь». З 1991 года намеснік шэф-рэдактара Беларускай асацыяцыі дэтэктыўнага, прыгодніцкага і палітычнага рамана.

Літаратурную дзейнасць пачаў у 1983 г. вершамі ў газеце «Літаратура і мастацтва». Потым друкаваўся ў калектыўных зборніках «Маладыя галасы» і «Вусны» (1985), «Тутэйшыя» (1988). У суаўтарстве з М. Клімковічам напісаў першы беларускі раман-трылер «Каханка д'ябла. або карона Вітаўта Вялікага».

• «Забойства на каляды», 1992 год
• «Зборнік», 2005 год

• «Чорны квадрат»
• «Vita Brevis, або Нагавіцы святога Георгія»

Брат вядомага беларускага пісьменніка Адама Глобуса.

• Блог Міраслава Адамчыка.

• Міраслаў Шайбак // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

• Шайбак Міраслаў (сапраўднае імя Адамчык Міраслаў Вячаслававіч) на сайце анлайн-энцыклапедыі «Беларусь у асобах і падзеях»