Міхаіл Міхайлавіч Амельяновіч

Міхаіл Амельяновіч
Міністр лясной гаспадаркі Рэспублікі Беларусь 12 сакавіка 2010 — 15 лютага 2018
Прэзідэнт	Аляксандр Лукашэнка
Кіраўнік урада	Сяргей Сідорскі Міхаіл Мясніковіч Андрэй Кабякоў
Папярэднік	Пётр Сямашка
Пераемнік	Віталь Дрожжа
Нараджэнне	2 студзеня 1958(1958-01-02) (67 гадоў) в. Клюкавічы, Навагрудскі раён, Гродзенская вобласць
Адукацыя	Беларускі тэхналагічны інстытут (1980), Акадэмія кіравання пры прэзідэнце Рэспублікі Беларусь (1999)

Міхаі́л Міха́йлавіч Амельяно́віч (нарадзіўся 2 студзеня 1958, в. Клюкавічы Навагрудскі раён Гродзенскай вобласці, Беларуская ССР) — беларускі дзяржаўны дзеяч, міністр лясной гаспадаркі Рэспублікі Беларусь (2010—2018).

У 1980 годзе скончыў лесагаспадарчы факультэт Беларускага тэхналагічнага інстытута імя С. М. Кірава.

1980—1985 — ляснічы Асінаўскага лясніцтва ў Багушэўскім лясгасе Віцебскай вобласці.

1985—1997 — галоўны ляснічы Багушэўскага лясгасу.

1997—1999 — дырэктар Бешанковіцкага лясгасу Віцебскай вобласці.

У 1999 годзе скончыў Акадэмію кіравання пры прэзідэнце Рэспублікі Беларусь.

З 1999 года — генеральны дырэктар Мінскага дзяржаўнага вытворчага лесагаспадарчага аб'яднання.

12 сакавіка 2010 года ўказам прэзідэнта Рэспублікі Беларусь прызначаны міністрам лясной гаспадаркі Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[1], а 17 снежня 2015 года ўказам Прэзідэнта № 500 зноў зацверджаны на пасадзе міністра^[2]. 15 лютага 2018 Аляксандр Лукашэнка вызваліў ад займаных пасадаў міністра лясной гаспадаркі Міхаіла Амельяновіча і міністра спорту і турызму Аляксандра Шамко за непрыняцце дзейсных мер па барацьбе з карупцыяй і эканамічнымі правапарушэннямі ў падведамасных арганізацыях^[3].

	Міхаіл Міхайлавіч Амельяновіч у Вікіцытатніку

• Біяграфія на старонцы міністэрства лясной гаспадаркі Беларусі Архівавана 31 жніўня 2012. (руск.)