Міхаіл Міхайлавіч Рудкоўскі

Міхаіл (Міхась) Міхайлавіч Рудкоўскі (17 красавіка 1936, в. Востраў Ганцавіцкага раёна — 7 ліпеня 1991) — беларускі паэт і перакладчык.

Нарадзіўся 17 красавіка 1936 года ў в. Востраў Лунінецкага павета Палескага ваяводства Польскай Рэспублікі ў сялянскай сям’і.

Скончыў Пінскае педагагічнае вучылішча (1955), настаўнічаў у Кукаўскай сямігодцы Ганцавіцкага раёна. У 1960—1962 гадах — літсупрацоўнік ганцавіцкай раённай газеты «Сялянская праўда». Скончыў завочна філалагічны факультэт Брэсцкага педагагічнага інстытута імя А. С. Пушкіна (1961). У 1962—1981 гадах працаваў старшым рэдактарам літаратурна-драматычных і музычных праграм Брэсцкай студыі тэлебачання.

Член Саюза пісьменнікаў Беларусі з 1966 года^[1].

Памёр 7 ліпеня 1991 года. Пахаваны на могілках в. Востраў Ганцавіцкага раёна^[1].

У рэспубліканскім друку выступаў з вершамі з 1959 года. Аўтар зборнікаў вершаў. Таксама вядомы як перакладчык з украінскай, рускай і польскай моў.

• «Першыя вёрсты» (1963)^[2]
• «Сінія Брады» (1967)^[3]
• «Позвы» (1971)^[4]
• «У краі тым…» (1975)
• «Векавечная бацькаўшчына» (1976)^[5]
• «Трыгор’е» (1981)
• «Засцярога» (1984)^[6]
• «Залатазвон» (1986)
• «Гарынь» (1992)

Імя паэта прысвоена Астроўскай сярэдняй школе.

Да святкавання 80-гадавіны нараджэння паэта на сайце Ганцавіцкага раённага краязнаўча музея арганізавана віртуальная выстаўка «Міхась Рудкоўскі: „Не вечны чалавек, яго ж памкненні — вечныя!“»^[7].

• Зборнікі вершаў М. Рудкоўскага Архівавана 19 чэрвеня 2016. на gants-region.info
• Выстаўка «Міхась Рудкоўскі: „Не вечны чалавек, яго ж памкненні — вечныя!“» Архівавана 4 верасня 2016. на gantsevichi.museum.by