Навікі (Жлобінскі раён)

Вёска Навікі Краіна Беларусь Вобласць Гомельская Раён Жлобінскі Сельсавет Малевіцкі Каардынаты 52°53′59″ пн. ш. 29°56′06″ у. д.HGЯO Першая згадка XIX ст. Насельніцтва 64 чалавекі (2004) Часавы пояс UTC+3 Тэлефонны код +375 2334 Аўтамабільны код 3 СААТА 3218836041 Навікі на карце Беларусі ±

Навікі́^[1] (трансліт.: Naviki, руск.: Новики) — вёска ў Жлобінскім раёне Гомельскай вобласці, на рацэ Беліца. Уваходзіць у склад Малевіцкага сельсавета. Насельніцтва 64 чал. (2004). Знаходзіцца за 4 км на паўночны захад ад Жлобіна, за 2 км ад чыгуначнай станцыі Малевічы (лінія Бабруйск — Жлобін), за 97 км ад Гомеля.

Транспартныя сувязі па прасёлкавай, а затым аўтамабільнай дарозе Бабруйск — Гомель. Планіроўка складаецца з прамавугольнай мерыдыянальнай вуліцы, забудаванай двухбакова, няшчыльна драўлянымі сядзібнымі дамамі.

Паводле пісьмовых крыніц вядома з пачатку XIX стагоддзя як вёска ў Лукаўскай воласці Рагачоўскага павета Магілёўскай губерні. Паводле рэвізіі 1816 г. ўладанне Жукоўскіх. Паводле перапісу 1897 г. знаходзіліся хлебазапасны магазін, вятрак. У 1909 г. 365 дзесяцін зямлі.

У 1930 г. арганізаваны калгас. Падчас 2-й сусветнай вайны у верасні 1943 г. нямецкія акупацыйныя ўлады цалкам спалілі вёску і забілі 13 жыхароў. 82 жыхара загінулі на фронце. У 1966 г. да вёскі далучаны мястэчка Прыдарожжа. У складзе саўгаса імя В.І. Казлова (цэнтр — вёска Малевічы).

• XIX стагоддзе: 1816 — 18 двароў, 74 жыхара; 1881 — 21 двор, 129 жыхароў; 1897 — 39 двароў, 303 жыхара (паводле перапісу)
• XX стагоддзе: 1909 — 46 двароў, 308 жыхароў; 1925 — 77 двароў; 1940 — 48 двароў, 149 жыхароў; 1959 — 169 жыхароў (паводле перапісу)
• XXI стагоддзе: 2004 — 30 гаспадарак, 64 жыхара^[2]

• Гарады і вёскі Беларусі: Энцыклапедыя: у 15 т. Т. 1. Кн. 1. Гомельская вобласць / С.В. Марцэлеў; Рэдкал.: Г.П. Пашкоў (гал. рэд.) і інш. — Мн.: БелЭн, 2004. — 632 с.: іл. — ISBN 985-11-0303-9.

• На Вікісховішчы пакуль няма медыяфайлаў па тэме, але Вы можаце загрузіць іх