Наталля Аляксандраўна Мацак

Наталля Аляксандраўна Мацак
Наталля Аляксандраўна Мацак
Дата нараджэння	17 сакавіка 1982 (43 гады)
Месца нараджэння	Кіеў, УССР, СССР;
Грамадзянства	СССР; Украіна;
Адукацыя	Кіеўскае дзяржаўнае харэаграфічнае вучылішча;
Прафесія	балерына
Тэатр	Нацыянальны акадэмічны тэатр оперы і балета Украіны імя Т. Шаўчэнкі;
Узнагароды
Сайт	matsak.com.ua
	Медыяфайлы на Вікісховішчы

Наталля Аляксандраўна Мацак (укр.: Наталія Олександрівна Мацак; нар. 17 сакавіка 1982, Кіеў, УССР) — украінская балерына, прыма Нацыянальнага акадэмічнага тэатра оперы і балета Украіны імя Тараса Шаўчэнкі. Заслужаная артыстка Украіны.

Біяграфія

Нарадзілась 17 сакавіка 1982 года ў Кіеве. Вучылася ў Кіеўскім дзяржаўным харэаграфічным вучылішчы. Пасля заканчэння вучобы ў 2000 годзе запрошаная ў трупу Нацыянальнага акадэмічнага тэатра оперы і балета Украіны імя Тараса Шаўчэнкі. З 2001 года з’яўляецца вядучай салісткай Тэатра. У 2008 годзе Наталлі Мацак прысвоена званне «Заслужаны артыст Украіны»^[1].

Танцавала ў пары з Мэцью Голдынгам (Лонданскі Каралеўскі балет), Вадзімам Мунтагіравым (Covent Garden), Андрэем Уваравым, Дзянісам Родзькіным (Вялікі тэатр), Ігарам Колбам, Кімін Кім (Марыінскі тэатр), Дзянісам Недакам, Янам Ваня, Сяргеем Сідорскім, Дзянісам Мацвіенка і г. д.

Гастралявала ў Францыі, Італіі, Грэцыі, Іспаніі, Вялікабрытаніі, Швейцарыі, ЗША, Кітаі, Карэі, Індыі, Германіі, Лацінскай Амерыцы, Японіі, Фінляндыі, Расіі, Партугаліі, Мексіцы і інш.

Рэпертуар

«Баядэрка» — Нікія, Гамзаці
«Спячая прыгажуня» — Ранішняя зара
«Лебядзінае возера» — Адэта-Адылія
«Шчаўкунок» — Маша (Клара)
«Сільфіда» — Сільфіда
«Жызэль» — Жызэль
«Раймонда» — Раймонда
«Дон Кіхот» — Кітры
«Карсар» — Медора
«Спартак» — Эгіна
«Легенда пра каханне» — Мехмене Бану
«Лаўрэнсія» — Лаўрэнсія
«Шэхерэзада» — Зобеіда
«Кармэн-сюіта» — Кармэн
«Венскі вальс» — Карла
«Даніэла» — Даніэла
«Беласнежка» — Беласнежка
«Чырвоная Жызэль» — дуэт
«Гранд па-класік» — Обер
«Тарантэла»
«Класічнае па дэ дэ»
«Эсмеральда» (па дэ дэ)
«Дыяна і Актэон» (па дэ дэ)
«Heute ist das Gestern von morgen»
«Скажы цішэй калі зможаш»
«Дрым данс»
«Шлях»

Перамогі ў конкурсах

Міжнародны конкурс артыстаў балета імя Сержа Ліфара. Срэбраны медаль. 2004 год.
Міжнародны конкурс артыстаў балета ў Маскве. Бронзавы медаль. 2005 год.
VI Міжнародны конкурс артыстаў балета імя Сержа Ліфара. Залаты медаль. 2006 год.