Негніючнік лугавы

Негніючнік лугавы
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Marasmiaceae Род:  Негніючнік від:  Негніючнік лугавы
Міжнародная навуковая назва
Marasmius oreades (Bolton) Fr., 1836
Сістэматыка на Віківідах Выявы на Вікісховішчы NCBI   181124 EOL   1029355 MB   174712

Негніючнік лугавы, апенька лугавая, варушка (Marasmius oreades) — шапкавы базідыяльны грыб роду Негніючнік (Marasmius) сямейства Негніючнікавыя (Marasmiaceae).

Пладовае цела грыба — шапка на ножцы. Шапка мае дыяметр 3—5 см, спачатку конусная, пазней распасцёртая з тупым бугарком у сярэдзіне, радыяльна-паласатая, гладкая. Колер шапкі светлы, жаўтавата-бураваты ў сухой, светла-карычневы ў вільготнай. Ножка 4—8 см у даўжыню і 0,2—0,4 см у дыяметры, цыліндрычная, шчыльная, гнуткая, аднаго колеру з шапкай, апушаная ўнізе. Мякаць шапкі тонкая, белавата-жаўтаватая. Пласцінкі свабодныя, шырокія, рэдкія, спачатку белаватыя, потым цямнеюць. Споры гладкія, бясколерныя, эліпсоіднай формы. Пасля выспявання пладовае цела не гніе, а высыхае.

Грыб распаўсюджаны на тэрыторыі Еўразіі. Расце групамі на лугах, выпасах, часам пакрытых травой узлесках і палянах. Пладовыя целы з’яўляюцца ў чэрвені—верасні, часам утвараючы «ведзьміны кругі».

Малавядомы ядомы грыб, прыдатны да ўсіх відаў перапрацоўкі. Выкарыстоўваецца ў народнай медыцыне.

• Опёнок // Лесная энциклопедия: В 2-х т. (руск.) / Ред. кол.: Г. И. Воробьёв (гл. ред.) и др.. — М.: Сов. энциклопедия, 1986. — Т. 2. Лимонник—Ящерицы. — С. 147. — 631 с. — 100 900 экз.
• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 99. — 192 с. — 60 000 экз.

• Опенок луговой, или негниючник луговой, или луговик — Marasmius oreades (Fr.) Fr. // Экологический центр «Экосистема»™, А. С. Боголюбов (руск.)