Паліна Васілеўна Дружына

Паліна Васілеўна Дружына
Дата нараджэння	1 чэрвеня 1927(1927-06-01)
Месца нараджэння	Палоева, Чавускі раён, Магілёўская акруга, БССР, СССР
Дата смерці	10 жніўня 2000(2000-08-10)[1] (73 гады)
Месца смерці	Мінск, Беларусь
Краіна	Беларусь
Муж	Міхаіл Афанасьевіч Дружына
Альма-матар	Беларуская дзяржаўная кансерваторыя імя А. В. Луначарскага (1955)
Месца працы	Беларуская дзяржаўная філармонія Дзяржаўны акадэмічны Вялікі тэатр оперы і балета БССР
Музычная дзейнасць
Прафесіі	оперная спявачка
Пеўчы голас	мецца-сапрана
Грамадская дзейнасць
Член у	БСТД
Узнагароды

Паліна Васілеўна Дружына (у дзявоцтве Галачэва; 1 чэрвеня 1927, в. Палоева, Чавускі раён, Магілёўская вобласць — жнівень 2000^[2]) — беларуская спявачка (мецца-сапрана). Заслужаны артыст Беларускай ССР (1964).

Скончыла ў 1955 годзе Беларускую кансерваторыю (клас Я. Віцінга). З 1955 года салістка Беларускай філармоніі, у 1957—1983 гадах — Дзяржаўнага тэатра оперы і балета Беларусі.

Член Беларускага саюза тэатральных дзеячаў з 1959 года.

Валодае моцным прыгожым голасам вялікага дыяпазону. Найбольш блізкія ёй ролі лірыка-драматычнага плана. Сярод партый у нацыянальных операх: Марына («Яснае світанне» А. Туранкова), у класічных — Марына Мнішак («Барыс Гадуноў» М. Мусаргскага), Канчакоўна («Князь Ігар» А. Барадзіна), Любаша, Любава («Царская нявеста^[ru]» і «Садко^[ru]» М. Рымскага-Корсакава), Графіня і Паліна, Княгіня («Пікавая дама», «Чарадзейка^[ru]» П. Чайкоўскага), Княгіня («Русалка» А. Даргамыжскага), Амнерыс, Ульрыка, Азучэна («Аіда», «Баль-маскарад», «Трубадур» Дж. Вердзі), Лаура і Сляпая («Джаконда^[ru]» А. Панк’елі^[ru]). У канцэртным рэпертуары творы бел. кампазітараў, кампазітараў-класікаў, бел. нар. песні.

Была ў шлюбе са спеваком Міхаілам Дружынам, з якім мела сына Аляксандра, які працаваў на тэхнічных пасадах у Тэатры музычнай камедыі^[3].

• Ракава А. Я. Дружына Паліна Васілеўна // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).