Пармелія

	Пармелія
	; Пармелія баразнаватая (Parmelia sulcata)
Навуковая класіфікацыя
Дамен:	Эўкарыёты
Царства:	Грыбы
Падцарства:	Вышэйшыя грыбы
Аддзел:	Аскамікота
Пададдзел:	Pezizomycotina
Клас:	Lecanoromycetes
Падклас:	Lecanoromycetidae
Парадак:	Леканаральныя
Сямейства:	Пармеліевыя
Род:	Пармелія
Міжнародная навуковая назва
	Parmelia Ach., 1803
Тыпавы від
	Parmelia saxatilis (L.) Ach., 1803
ITIS	14009
NCBI	87260
MB	3730

Пармелія (Parmelia) — род ліставатых лішайнікаў сямейства пармеліевых.

Апісанне

Талом (слаявіна) скурыста-ліставаты, разеткападобны, шчыльна прылеглы да субстрату. Слаявінныя лопасці выемчата-хвалістыя. Верхні бок талома блакітна-шэры, попельна-шэры, знізу паверхня белая, карычневая ці чорная. На паверхні выразна выступае сетка жылак, па рэбрах размяшчаюцца сараліі і ізідыі. Пладовя целы (апатэцыі) сустракаюцца рэдка. Споры па 8 у сумцы, бясколерныя, аднаклетачныя. Фотабіёнт — водарасць з роду трэбуксія (Trebouxia).

Змяшчаюцца лішайнікавыя кіслоты: атранарын, ліхестэрынавая, лабарыевая і проталіхестэрынавая.

Пашырэнне

Род аб’ядноўвае каля 40 відаў, распаўсюджаны ва ўсіх кліматычных зонах, найбольшая колькасць відаў у Азіі і Аўстраліі. Сустракаюцца на кары, драўніне, камянях у ліставых, мяшаных і хвойных лясах. На Беларусі вядомы пармелія баразнаватая (Parmelia sulcata), пармелія скальная (Parmelia saxatilis) і інш., трапляюцца на ствалах дрэў, валунах.

Выкарыстоўваюцца для атрымання антыбіётыкаў.

Крыніцы

Літаратура

Галубкоў У. Пармелія // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).