Пармелія баразнаватая

Пармелія баразнаватая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Пармелія Від:  Пармелія баразнаватая
Міжнародная навуковая назва
Parmelia sulcata Taylor, 1836
Сістэматыка на Віківідах Выявы на Вікісховішчы ITIS   14011 NCBI   112048 MB   123425

Пармелія баразнаватая (Parmelia sulcata) — від лішайнікаў роду Пармелія (Parmelia) сямейства Пармеліевыя (Parmeliaceae). Адзін з самых распаўсюджаных на антрапагенных тэрыторыях сінантропных відаў.

Слаявіна няправільна-разеткападобная, 5-15 см дыяметрам. Лопасці 3-4 мм шырынёй і 5-20 мм даўжынёй, выемкавыя, цесна сабраныя або злёгку разбежныя, тупыя на канцах. Зверху слаявіна блакітнавата-шэрая або зелянява-шэрая, сеткавата-маршчыністая, з сарэдыямі; знізу чорная, густа пакрытая да канцоў лопасцяў чорнымі, простымі або галінаванымі рызінамі. Апатэцыі карычневыя, з увагнутым дыскам дыяметрам да 2 см, з карычневым увагнутым дыскам і суцэльным, пазней вышчэрбленым краем, сустракаюцца не вельмі часта^[1]. Парафізы злепленыя, простыя ці разгалінаваныя^[2]. Сумкі шырокабулавападобныя, 40-50×20-22 мкм^[2]. Споры эліпсоідныя, часта з аднаго канца завужаныя, 13-15×5,5 — 6 мкм, з патоўшчанымі сценкамі, даволі часта бываюць недаразвітыя^[2].

Пры нанясенні на слаявіну раствора гідраксіду калію яна жоўкне.

Прысутнічаць другасныя метабаліты: атранарын, хлоратранарын, кансалацынавая, салацынавая і лабаравая кіслоты^[3].

Расце на ствалах і галінах лісцевых і іглічных дрэў, а таксама на апрацаванай драўніне і камяністым субстраце, як правіла, у добра асветленых месцах.

Гэты від можа трываць забруджванне паветра і расці ў гарадах.

Сустракаецца ў Афрыцы, Аўстралазіі, Еўропе, Паўночнай, Цэнтральнай і Паўднёвай Амерыцы, арктычнай і антарктычнай зонах.

Паўночным аленем (Rangifer tarandus) з’ядаецца зрэдку, адначасна з іншымі лішайнікамі^[4].

Унутрывідавых таксонамі віду з’яўляюцца:

• Parmelia sulcata Zahlbr.^[1]
• Parmelia sulcata Oliv.^[1]
• Parmelia sulcata (Harm.) Maas Geest., 1948^[1]
• Parmelia sulcata Taylor, 1836^[1]

• Голубкова Н. С. Определитель лишайников средней полосы европейской части СССР. — М.—Л.: Наука, 1966. — С. 189—190. — 2 000 экз.
• Горбач Н. В. Лишайники Белоруссии. Определитель. — Мн: Наука и техника, 1973. — С. 249. — 368 с. — 2 000 экз. Архівавана 9 красавіка 2022.
• Определитель лишайников СССР / отв. ред. И. И. Абрамов. — Л: Наука, 1971. — Т. 1. Петрузариевые, Леканоровые, Пармелиевые. — С. 346. — 412 с.
• Флора споровых растений Казахстана. — Алма-Ата: Наука, 1983. — Т. 11. Кн. 2. Андреева Е.И. Лишайники — Lichenes. 2. Лецидеевые (Lecideales) — Леканоровые (Lecanorales). — С. 265—267. — 308 с. — 700 экз. Архівавана 5 лістапада 2022.
• Цуриков А. Г., Корчиков Е. С. Определитель лишайников Самарской области. Ч. 1. Листоватые, кустистые и слизистые виды. — Самара: Изд-во Самарского университета, 2018. — С. 88. — 128 с. — 225 экз. — ISBN 978-5-7883-1293-4 (Ч. 1), 978-5-7883-1295-8.
• Цуриков А. Г. Храмченкова О. М. Листоватые и кустистые городские лишайники: атлас-определитель: учебное пособие для студентов биологических специальностей вузов. — Гомель: ГГУ им. Ф. Скорины, 2009. — С. 72. — 123 с. — ISBN 978-985-439-390-2. Архівавана 5 сакавіка 2023.