Парэчкі альпійскія

Парэчкі альпійскія
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Агрэставыя (Grossulariaceae) Род:  Парэчкі Від:  Парэчкі альпійскія
Міжнародная навуковая назва
Ribes alpinum L.
Сінонімы
Ribes lucidum
Сістэматыка на Віківідах Выявы на Вікісховішчы ITIS   507145 NCBI   134913 EOL   483062 GRIN   t:31773 IPNI   792549 TPL   kew-2426163

Парэ́чкі альпійскія^[1], Парэчкі светлыя^[2] (Ribes alpinum) — від раслін сямейства агрэставых.

Прамастаячы густы куст. Расце да 2 м вышынёй і да 1,5 м у шырыню. Кара спачатку гладкая, светла-шэрая, з часам становіцца карычневай і трэскаецца. Лісце пальчатае. Верхняя частка лісця цёмна-зялёнага колеру з валасінкамі, ніжняя частка — светла-зялёная. Расліны двухдомныя (мужчынскія і жаночыя кветкі знаходзяцца на розных раслінах). Кветкі сабраны ў групы ля аснавання лісця, мужчынскія суквецці даўжэй жаночых. Асобныя кветкі маленькія, зелянява-белыя. Плод — ягада чырвонага колеру, без смаку.

Радзіма — Цэнтральная і Паўночная Еўропа ад Фінляндыі і Нарвегіі на поўдзень у Альпах і Пірэнэях. На поўдні арэала сустракаецца высока ў гарах. Рэдка сустракаецца ў Заходняй Еўропе і Вялікабрытаніі.

Від Парэчкі альпійскія ўваходзіць у род Парэчкі (Ribes) сямейства Агрэставыя (Grossulariaceae) парадку Каменяломнікакветныя (Saxifragales).