Каменяломнікакветныя

	Каменяломнікакветныя
	; Saxifraga aizoides
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Каменяломнікакветныя
Міжнародная навуковая назва
	Saxifragales Dumort. (1829)
Сямействы
	Гл. тэкст
ITIS	846633
NCBI	41946
EOL	4288
FW	182995

Каменяломнікакветныя (Saxifragales) — парадак двухдольных кветкавых раслін.

Асаблівасці біялогіі

Гэта шматгадовыя ці аднагадовыя травы, радзей паўхмызнякі ці хмызнякі. Лісты чаргаваныя або супраціўныя, вельмі рэдка кальчаковыя, простыя, цэльныя ці, радзей, лопасцевыя, звычайна без прылісткаў. Кветкі ў рознага роду суквеццях ці адзіночныя, звычайна двухполыя, актынаморфныя або, радзей, злёгку зігаморфныя, звычайна з двайным калякветнікам. Пялёсткі свабодныя або, радзей, больш-менш зрослыя, рэдка адсутнічаюць. Тычынкі ў аднолькавай колькасці з чашалісцікамі ці іх у два разы больш, свабодныя; пыльнікі ўскрываюцца падоўжнай шчылінай. Песцік апакарпны або цэнакарпны (сінкарпны ці паракарпны), звычайна са свабоднымі стылодыямі; завязь верхняя, паўніжняя ці ніжняя, з некалькімі або многімі семязачаткамі. Плады — каробачкі, шматлістоўкі ці ягадападобныя.

Сістэматыка

Паводле таксанамічнай сістэмы класіфікацыі APG II (2003), у склад парадку ўваходзяць наступныя сямействы:

Сямейства Altingiaceae
Сямейства Aphanopetalaceae
Сямейства Cercidiphyllaceae
Сямейства Таўсцянкавыя (Crassulaceae)
Сямейства Daphniphyllaceae
Сямейства Агрэставыя (Grossulariaceae)
Сямейства Haloragidaceae
Сямейства Hamamelidaceae
Сямейства Iteaceae
Сямейства Paeoniaceae
Сямейства Penthoraceae
Сямейства Peridiscaceae
Сямейства Pterostemonaceae
Сямейства Каменяломнікавыя (Saxifragaceae)

У больш ранняй сістэме класіфікацыі Кронквіста (1981, 1988) гэты парадак не прысутнічаў, а пералічаныя сямействы былі падзелены паміж парадкамі Ружавыя (Rosales), Hamamelidales і Haloragales. Аднак апынулася, што яны з'яўляюцца монафілетычнай групай, якія маюць агульнае сваяцтва з разідамі і астэрыдамі.

Крыніцы

Літаратура

Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6