Перапёлка звычайная

	Звычайная перапёлка
	; Самец перапёлкі
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Надклас:	Чацвераногія
Клас:	Птушкі
Падклас:	Нованёбныя
Атрад:	Курападобныя
Сямейства:	Фазанавыя
Падсямейства:	Курапаткавыя
Род:	Перапёлкі
Від:	Звычайная перапёлка
Міжнародная навуковая назва
	Coturnix coturnix Linnaeus, 1758
Ахоўны статус
	Выклікаюць найменшыя асцярогі; IUCN 3.1 Least Concern : / 22678944
ITIS	553871
NCBI	9091
EOL	914847
FW	365980

Перапёлка звыча́йная, Перапёлка^[1] (Coturnix coturnix) — птушка сямейства фазанавых атраду курападобных.

Апісанне

Пералётная птушка. Даўжыня каля 20 см, маса да 145 г. Апярэнне страката-бураватае. Хвост кароткі. Корміцца пераважна насеннем раслін і насякомымі. У шлюбны перыяд самцы такуюць. Нясе да 24 яек.

Арэал і экалогія

Насяляе пераважна ўзлескі, лясныя паляны, лугі, сельскагаспадарчыя палеткі. У Беларусі трапляецца ўсюды, найболей на поўдні.

Значэнне і выкарыстанне

Аб’ект спартыўнага палявання і развядзення (для атрымання яек).

Гісторыя

Сярэднявечныя навуковыя трактаты (асабліва арабскія і яўрэйскія) рэкамендавалі ўстрымлівацца ад спажывання перапёлак, спасылаючыся на шматлікія нібыта выпадкі атручванняў — магчыма, таму што перапёлкі елі атрутныя для чалавека расліны.

Яйкі

Яйкі перапёлкі маюць высокія дыетычныя якасці, добра захоўваюцца ў гандлі.

Мяса

Маюць далікатнае, тлустае мяса. Скубці належыць асцярожна, каб не пашкодзіць скуру. Маладых перапёлак лепей пячы, старых тушыць (папярэдне замарынаваўшы на 2 — 3 дні ў сухім белым віне з карэннямі). Худых рэкамендуюць шпігаваць, тлусцейшых можна запякаць у вінаградным лісці, паліваючы топленым маслам (не больш за 20 хвілін). Падаваць можна з рысам або макаронамі.