Поль-Анры Сандаага Даміба

Поль-Анры Сандаага Даміба
Поль-Анры Сандаага Даміба
	фр.: Paul-Henri Sandaogo Damiba
	24 студзеня — 30 верасня 2022
Папярэднік	Рок Кабарэ (як прэзідэнт Буркіна-Фасо)
Пераемнік	Ібрагім Траорэ
Нараджэнне	2 студзеня 1981 (44 гады); Уагадугу, Рэспубліка Верхняя Вольта;
Веравызнанне	каталіцтва
Адукацыя	Ваенная школа[d];
Род войскаў	Узброеныя сілы Буркіна-Фасо
Званне	падпалкоўнік[d]
Бітвы	Паўстанне джыхадзістаў у Буркіна-Фасо
	Медыяфайлы на Вікісховішчы

Поль-Анры Сандаага Даміба (2 студзеня 1981, Уагадугу, Верхняя Вольта) — ваенны і дзяржаўны дзеяч Буркіна-Фасо. Прэзідэнт Патрыятычнага руха за ахову і аднаўленне.

Біяграфія

Скончыў ваенную школу ў Парыжы^[2]. Мае ступень магістра ў галіне крыміналістыкі Кансерваторыі мастацтва і рамёстваў і сертыфікат эксперта па абароне ў галіне кіравання, камандавання і стратэгіі.

У часы праўлення прэзідэнта Блез Кампаарэ з’яўляўся супрацоўнікам Палка бяспекі прэзідэнта (РСП). У перыяд з 2015 да 2019 года Поль-Анры Даміба ўзначальваў узброеныя падраздзяленні Буркіна-Фасо, якія ў рэгіёнах Саэль і Поўнач вялі барацьбу з тэрарыстычнымі фарміраваннямі.

У студзені 2021 года двойчы прапаноўваў прэзідэнту Рок Кабарэ выклікаць падраздзяленні групы Вагнера для барацьбы з ісламістамі на поўначы краіны. Апошні матываваў сваю адмову тым, што гэта можа пагоршыць адносіны з заходнімі краінамі^[3]. У снежні 2021 года прэзідэнт Рок Кабарэ прызначыў Даміба камандуючым 3-й ваеннай акругай.

У студзені 2022 года здзейсніў ваенны пераварот і стаў часовым кіраўніком дзяржавы. Яго рэжым не змог ліквідаваць праблему з радыкаламі і нават саступіў некаторыя тэрыторыі джыхадзістам і іншым баевікам. 30 верасня ў Буркіна-Фасо адбыўся новы ваенны пераварот, у выніку якога часовы прэзідэнт Поль-Анры Сандаага Даміба быў скінуты. Яго места заняў Ібрагім Траорэ^[4]^[5]. Даміба пакінуў Буркіна-Фасо і накіраваўся ў Тога^[6].