Пятрас Аляксандравічус

Пятрас Аляксандравічус
Petras Aleksandravičius
Дата нараджэння	8 (21) кастрычніка 1906
Месца нараджэння	Вартай[d], Мар’ямпольскі павет[d], Сувалкаўская губерня, Варшаўскае генерал-губернатарства, Расійская імперыя[1]
Дата смерці	25 снежня 1997(1997-12-25)[1] (91 год)
Месца смерці	Вільня, Віленскае гарадское самакіраванне, Віленскі павет, Літва[1]
Грамадзянства	Расійская імперыя  СССР  Літва
Род дзейнасці	скульптар, кінематаграфіст
Вучоба	Каўнаская мастацкая школа (1933)
Узнагароды	народны мастак Літоўскай ССР[d] (1956)
Медыяфайлы на Вікісховішчы

Пятрас Повіла Аляксандравічус (літ.: Petras Aleksandravičius; 21 кастрычніка 1906, в. Вартай  (літ.) (бел., Літва) — літоўскі скульптар, прафесар. Народны мастак Літвы (1956). Лаўрэат Сталінскай прэміі трэцяй ступені (1951).

Нарадзіўся 8 (21 кастрычніка) 1906 года ў вёсцы Вартай  (літ.) (бел. (цяпер Прыенайскі раён Літвы). Вучыўся ў 1928—1933 гадах Каўнаскай мастацкай школе; яго настаўнікамі былі Юозас Зікарас, Каятонас Склерус, Юозас Мікенас. Адначасова вывучаў літаратуру ва Універсітэце Вітаўта Вялікага.

У 1941—1944 гадах выкладаў у Вільнюскай мастацкай акадэміі, у 1945—1951 гадах у Вільнюскім мастацкім інстытуце (у 1951 годзе ператвораным у Дзяржаўны мастацкі інстытут Літоўскай ССР), з 1951 года ў Дзяржаўным мастацкім інстытуце Літоўскай ССР; з 1946 года прафесар, у 1955—1977 гадах загадчык кафедрай рысунку.

З 1935 года ўдзельнічаў у выстаўках. Першая персанальная выстаўка адбылася ў Вільнюсе ў 1976 годзе.

Памёр 25 снежня 1997 года ў Вільнюсе.

Аўтар партрэтаў Ю. Жамайце (Дзяржаўная прэмія СССР 1951), Э. Межалайціса (1963), рэжысёра Ю. Мільцініса (1972); дэкаратыўных кампазіцый «Дзяўчына з кветкамі» (1948), «Рыбакі» (1955); помніка А. Венуалісу ў г. Анікшчай (1982) і інш.

• Александравічус Пятрас // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

• На Вікісховішчы ёсць медыяфайлы па тэме Пятрас Аляксандравічус