Пётр Міхайлавіч Раманоўскі

Пётр Міхайлавіч Раманоўскі
Дата нараджэння	21 верасня 1919(1919-09-21)
Месца нараджэння	Орша, Аршанскі павет, Гомельская губерня, РСФСР
Дата смерці	23 верасня 1977(1977-09-23) (58 гадоў)
Грамадзянства	СССР
Род дзейнасці	мастак
Жанр	партрэт, пейзаж і сюжэтна-тэматычная карціна
Вучоба	Інстытут жывапісу, скульптуры і архітэктуры імя І. Я. Рэпіна (1948) Віцебскае народнае мастацкае вучылішча (1938)
Мастацкі кірунак	рэалізм
Узнагароды

Пётр Міхайлавіч Раманоўскі (21 верасня 1919, Орша, Віцебская вобласць — 23 верасня 1977) — беларускі мастак-жывапісец.

У 1938 годзе скончыў Віцебскае мастацкае вучылішча. Па заканчэнні быў накіраваны ва Усерасійскую Акадэмію мастацтваў.

З пачатку Вялікай Айчыннай вайны пайшоў на фронт, дзе ваяваў да вызвалення Беларусі — 3 чэрвеня 1944 года.

Працягнуў вучобу ў Ленінградскім інстытуце жывапісу, скульптуры і архітэктуры імя І. Я. Рэпіна, які скончыў у 1948 годзе.

З 1948 па 1954 гады выкладаў у Мінскім мастацкім вучылішчы.

З 1949 года браў удзел у мастацкіх выстаўках. Працаваў у рэалістычным напрамку, у жанрах пейзажа, партрэта, сюжэтна-тэматычнай карціны.

Творы мастака захоўвацца ў фондах Нацыянальнага мастацкага музея Беларусі. Каля 50 карцін прынесены ў дар г. Орша^[1].

• 1946 «Орша, 1946 год», «Дняпро», «Пакроўская царква», «Ільінская царква»
• 1951 «На канікулах»
• 1952 «Сяброўкі»
• 1958 «Уборка капусты»
• 1960 «Жыта»
• 1961 «Зямля кліча»
• 1963 «Залатая восень», «Зімовы пейзаж», «Над Нёманам», «Возера Сенеж»
• 1967 «Сын»
• 1970 «Мастак Акім Шаўчэнка»
• 1975 «Паэт Адам Русак»

• Воранава, І. Мастак жыццёвай праўды / І. Воранава // Народнае слова. — 2004. — 9 кастр. — С. 6.
• Ершов, И. Спрятанный талант / И. Ершов // Телеком-экспресс (Орша). — 2009. — 22 окт. — С. 7.
• Пакуты і радасці пошукаў // Яршоў, І. А. Вёрсты пройдзеных дарог / І. А. Яршоў, В. М. Сіднякова. — Магілёў, 2003. — С. 173—180.
• Раманоўскі Пётр Міхайлавіч // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі: у 2 кн./рэдкал.: Г. П. Пашкоў [і інш.]. — Мн., 2000. — Кн. 2. — С. 438.
• Яршоў, І. Вялікая Айчынная вайна ў творах мастакоў Оршы і Аршаншчыны / І. Яршоў // Телеком-экспресс (Орша). — 2009. — 7 мая, 14 мая.