П’етра Каваліні

П'етра Каваліні
італ.: Pietro Cavallini
Імя пры нараджэнні	Pietro Cavallini
Дата нараджэння	каля 1240[1]
Месца нараджэння	Рым, Папская вобласць[2]
Дата смерці	каля 1330[1]
Месца смерці	Рым, Папская вобласць або невядома
Грамадзянства	Італія[3]
Род дзейнасці	мастак, мастак-мазаічыст
Мастацкі кірунак	Q3578338?
Уплыў	Джота дзі Бандонэ
Медыяфайлы на Вікісховішчы

П’етра Кавалі́ні (італ.: Cavallini, сапр. дэі Чэроні, італ.: dei Cerroni; каля 1250, Рым — каля 1350) — італьянскі жывапісец, прадстаўнік Протарэнесансу.

Як мастак склаўся пад уздзеяннем візантыйскай традыцыі, але не падпарадкоўваўся яе канонам, імкнуўся аднавіць высокія формы познаантычнага і сярэдневяковага рымскага жывапісу. Быў знаёмы з Чымабуэ і Джота ды Бандоне, што абумовіла іх узаемаўплыў. Творам Каваліні (мазаіка ў царкве Санта-Марыя ін Трастэверэ, каля 1291) і манументальная кампазіцыя «Страшны суд» з яго фрэсак у царкве Санта-Чэчылія ін Транстэверэ, каля 1293, абедзве ў Рыме) уласціва выкарыстанне святлоценявой мадэліроўкі, што дае эфект рэльефнасці выявы (праз рэзкі і глыбокі цень), прасторавасць асяроддзя і тонкіх градацый колеру. Зрабіў уплыў на развіццё рымскай, неапалітанскай і умбрыйскай школ жывапісу 14 ст.

Каранеўская І. М. Каваліні // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

• На Вікісховішчы ёсць медыяфайлы па тэме П’етра Каваліні