Расія-1

Расія-1
Расія-1
	Агульнарасійскі дзяржаўны тэлеканал «Расія-1»
Краіна	СССР ; Расія
Зона вяшчання	Расія
Час вяшчання	кругласутачна
Мова вяшчання	руская
Цэнтр кіравання	Масква, 5-я вуліца Ямскога Поля, 19/21
Фармат выявы	576i (SDTV) ; 1080i (HDTV)
Тэматыка канала	агульная
Дата пачатку вяшчання	13 мая 1991 года
Замяніў	Другая праграма ЦТ
Заменены	РТР-Планета (у СНД); УТ-2 (ва Украіне); РТР-Беларусь (у Беларусі)
Ліцэнзія на вяшчанне	ЭЛ № ФС 77 — 48137 ад 30 снежня 2011 года
Заснавальнік	УДТРК
Уладальнік	УДТРК
Кіраўнікі	Антон Златапольскі — генеральны дырэктар
Раннія назвы	РТВ (13 мая — 15 верасня 1991) ; РТР (16 верасня 1991 г. — 31 кастрычніка 1997: 8 верасня 1998 — 31 жніўня 2002) ; РТР-1 (1 лістапада 1997 — 7 верасня 1998 г.) ; Расія (1 верасня 2002 — 31 снежня 2009)
Роднасныя каналы	Расія-1 HD; Масква 24; Мая планета; Навука; Расія-24; Расія-К; РТР-Планета; Сарафан ; Страна; Гісторыя; Карусель; Мульт і Музыка; Мульт
Голас канала	Юрый Грымаў (1996—1997); Пётр Куляшоў (1998); Усевалад Абдулаў (1998—2000); Аляксей Колган (1998—2000); Аляксандр Клюквін (з 2000 года); Андрэй Баршаў (2000-2004); Барыс Рэпетур (2008); Павел Шыршоў (2008—2009); Анастасія Чарнабровіна (2009—2011); Андрэй Іваноў (з 2010 года); Юрый Брэжнеў (2012—2013); Уладзіслаў Коп (2012—2013); Яўген Стральцоў (з 2014 года)
Слоган	Галоўны тэлеканал краіны
Сайт	russia.tv
Даступнасць
Спадарожнік
Eutelsat 36C/Eutelsat 36B ; (36° у. д.)	Трыкалор ТБ, ; НТБ-Плюс
Экспрэс-АТ1 ; (56° у. д.)	Трыкалор ТБ Сібір,; НТБ-Плюс Усход
Horizons 2 ; (85,1° у. д.)	Кантынент ТБ,; Телекарта
ABS-2 ; (75° у. д.)	Спадарожнікавае МТС ТБ
Экспрэс-АТ2 ; (140° у. д.)	Усходні экспрэс
Анлайн
УДТРК

Расія-1 — агульнарасійскі дзяржаўны тэлеканал. Уваходзіць у склад Усерасійскай дзяржаўнай тэлевізійнай і радыёвяшчальнай кампаніі (УДТРК). У анонсах згадваецца, як канал «Расія».

«Расія-1» — галоўны і асноўны тэлеканал УДТРК. На тэлеканале «Расія-1» ёсць адзіныя эфірныя вокны для ўсіх рэгіянальных філіялаў УДТРК, у якіх транслююць мясцовыя навінавыя блокі «Весці-Мясцовы час» і праграмы ўласнай вытворчасці ў блоках «Расія-Мясцовы час». У асобных рэгіёнах (рэспублікі Татарстан, Башкартастан, Удмуртыя, рэспублікі Паўночнага Каўказа і некаторыя іншыя суб’екты Расіі з тытульнымі нацыямі) вылучаны дадатковыя эфірныя вокны для трансляцыі праграм на нацыянальнай мове. Тэлеканал мае версію ў фармаце высокай выразнасці «Расія-1 HD».

Гісторыя

Другая праграма Цэнтральнага тэлебачання СССР пачала вяшчанне 14 лютага 1956 года^[3]. Да 1982 года другая праграма стала вяшчаць на ўсёй тэрыторыі СССР і атрымала статус агульнасаюзнай праграмы. З 13 мая 1991 года на другой праграме сталі вяшчаць адначасова Цэнтральнае тэлебачанне СССР і Усерасійская дзяржаўная тэлерадыёкампанія (УДТРК)^[4]. У канцы снежня 1991 года пасля роспуску СССР увесь эфірны час перайшоў да УДТРК (тэлеканал РТР)^[5].

1 верасня 2002 года тэлеканал РТР перайменаваны і стаў называцца «Расія»^[6]. З 17 сакавіка 2003 года пачалося кругласутачнае вяшчанне тэлеканала^[7].

24 чэрвеня 2009 года тэлеканал уключаны ў першы мультыплекс лічбавага тэлебачання Расіі^[8].

У 2012 годзе запушчана вяшчанне «Расія HD»^[9].

16 студзеня 2017 года тэлеканал «Расія-1» перайшоў на вяшчанне ў фармаце 16:9^[10].

Праграмная сетка тэлеканала

Інфармацыйныя і грамадска-палітычныя праграмы («Весці тыдня» з Дзмітрыем Кісялёвым, «Масква. Крэмль. Пуцін», «Вечар з Уладзімірам Салаўёвым», «60 хвілін» і іншыя)
Непалітычныя праграмы («Малахаў», «Лёс чалавека з Барысам Карчэўнікавым» і іншыя)
Пазнавальныя перадачы («Пра самае галоўнае», «Доктар Мяснікоў» «Па сакрэце ўсяму свету» і іншыя)
Забаўляльныя шоу («Прывітанне, Андрэй!», «Песні ад усёй душы», «Аншлаг», «Ранішняя пошта» з Мікалаем Баскавым і іншыя)
Тэлегульні («Сто да аднаго», «Пяцёра на аднаго» і іншыя)
Фільмы і тэлесерыялы (найбольш вядомыя — «Брыгада», «Ліквідацыя», «Кацярына», «Таямніцы следства», «Каменская», «Сваты», «Скліфасоўскі» і іншыя)

Кінапраекты

Тэлеканал удзельнічаў у здымках і прасоўванні шэрагу расійскіх фільмаў: «Брат 2» (2000), «Востраў» (2006)^[11], «Мы з будучыні» (2008)^[12], «Тарас Бульба» (2009), «Кандагар» (2010), «Легенда № 17» (2013), «Сталінград» (2013), «Экіпаж» (2016)^[13], «Прыцягненне» (2017), «Апошні волат» (2017), «Лёд» (2018), «Халоп» (2019)^[14], «Уварванне» (2020), «Маёр Гром: Чумны Доктар» (2021), «Неба» (2021), «Чабурашка» (2022)^[15] і іншыя.