Ружампаль (Пухавіцкі раён)

Вёска Ружампаль Краіна Беларусь Вобласць Мінская Раён Пухавіцкі Каардынаты 53°33′41″ пн. ш. 28°08′29″ у. д.HGЯO Ружампаль на карце Беларусі ±

Ружампаль (трансліт.: Ružampaĺ), або Ружамполле^[1], часам Ружанпаль, або Ружанполь — колішні маёнтак, пазней пасёлак у Пухавіцкім раёне Мінскай вобласці.

У XIX стагоддзі маёнтак у Ігуменскім павеце Мінскай губерні, да скасавання прыгоннага права маёнтку належала вёска Скобраўка. Пасля 1861 года ў Навасёлкаўскай воласці Ігуменскага павета, даўняя уласнасць Русецкіх, у другой палове XIX стагоддзя было каля 15 валок зямлі^[1]. Адносіўся да каталіцкай парафіі Блонь. Краязнавец Аляксандр Ельскі апісваў Ружампаль (Ружамполь) як добра загаспадараваны фальварак пры гасцінцы з мястэчка Блонь да мястэчка Дукора, у даволі лясной мясцовасці^[1]. У 1903 годзе ўласніцай маёнтка была дваранка Севярына Леанардаўна Русецкая^[2].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Маёнтак нацыяналізаваны, створаны два аднайменныя пасёлкі Ружанполь і камуна, быў нафтавы млын^[3]. Перад вайной адзін пасёлак на 4 двары^[4].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

У наш час не існуе.

• 1908 год — 1 двор, 19 жыхароў^[5]
• 1917 год — 1 двор, 49 жыхароў, усе беларусы^[6]

• Приложеніе. Списокъ землевладѣльцевъ Минской губерніи, владѣющихъ 500 десятин. земли и болѣе // Памятная книжка Минской губерніи на 1904 г.. — Минскъ: Изданіе Минскаго губернскаго статистическаго комитета, 1903.
• Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.
• Ярмоловичъ В. С. Списокъ населенныхъ мѣстъ Минской губерніи. — Минскъ: Изданіе Минскаго Губернскаго Статистическаго Комитета, 1909. — 231 с.
• Jelski A. Rużanpol (Rużampol) // Słownik geograficzny Królestwa Polskiego i innych krajów słowiańskich. Tom IX: Poźajście — Ruksze (польск.). — Warszawa, 1888. — S. 857.