Свята-Іаана-Багаслоўскі жаночы манастыр (Дамашаны)

Манастыр
Свята-Іаана-Багаслоўскі жаночы манастыр
54°01′09″ пн. ш. 27°56′42″ у. д.HGЯO
Краіна	Беларусь
Вёска	Дамашаны
Канфесія	Праваслаўе
Епархія	Барысаўская епархія
Благачынне	Смалявіцкае благачынне
Дата заснавання	1997
Глобус Беларусі	globustut.by/domashany/i…

Свята-Іаана-Багаслоўскі жаночы манастыр ― жаночы манастыр у вёсцы Дамашаны Смалявіцкага раёна Мінскай вобласці. Знаходзіцца побач з могілкамі.

Заснаваны пастановай Сінода Беларускай праваслаўнай царквы ад 14 снежня 1997 года і па багаслаўленні мітрапаліта Філарэта^[1]. У 1997 годзе каля могілкавай царквы пачалося будаўніцтва манастыра.

У 2000 годзе была пабудавана і асвячона драўляная царква ў гонар Ціхвінскага абраза Божай Маці^[2]. З’яўляецца помнікам архітэктуры беларускага народнага дойлідства. Царква вырашана 3-зрубным аб’ёмам: прамавугольны прытвор, кубападобная малітоўная зала, 5-гранная апсіда. Двухсхільны дах па цэнтры пераходзіць у шатровы, над апсідай — у вальмавы; завершаны 3 цыбулепадобнымі галоўкамі. Брусчатыя сцены, складзены «ў ластаўчын хвост», прарэзаны арачнымі аконнымі праёмамі^[3][4].

• Свята-Іаана-Багаслоўскі жаночы манастыр (Дамашаны) на сайце Глобус Беларусі (руск.)