Свята-Аляксандра-Неўская царква (Крэва)

Славутасць
Свята-Аляксандра-Неўская царква
Свята-Аляксандра-Неўская царква
54°18′35″ пн. ш. 26°17′19″ у. д.HGЯO
Краіна	Беларусь
Вёска	Крэва
Канфесія	БПЦ
Епархія	Лідская епархія
Дата пабудовы	1854 год
Глобус Беларусі	globustut.by/krevo/#chur…
Медыяфайлы на Вікісховішчы

Свята-Аляксандра-Неўская царква — праваслаўны храм у в. Крэва Смаргонскага раёна Гродзенскай вобласці.

Пабудавана ў 1854 годзе з бутавага каменю і цэглы, адноўлена ў 1928 годзе.

Помнік архітэктуры позняга класіцызму і рэтраспектыўна-рускага стылю. Вырашана кампактным прамавугольным у плане аб’ёмам пад двухсхільным дахам, які над алтарнай часткай увянчаны цыбулепадобным купалам на васьмігранным барабане. Да галоўнага фасада прыбудавана двух’ярусная (васьмярык на чацверыку) шатровая званіца з макаўкай. Архітэктурная выразнасць будынка дасягаецца кантрасным спалучэннем бутавай муроўкі (элемент вонкавай архаізацыі) і атынкаваных пабеленых элементаў дэкору: руставаных вуглавых лапатак, ліштваў арачных аконных праёмаў, карніза і фрыза.

Малітоўная зала перакрыта драўляным скляпеннем, апсіда вылучана драўляным іканастасам.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Аляксандра-Неўская царква (Крэва)
• Свята-Аляксандра-Неўская царква (Крэва) на сайце Праваслаўная архітэктура Беларусі (бел.)
• Свята-Аляксандра-Неўская царква (Крэва) на сайце Radzima.org
• Свята-Аляксандра-Неўская царква (Крэва) на сайце Глобус Беларусі (руск.)