Свята-Дабравешчанская царква (Рымкі)

Праваслаўны храм
Свята-Дабравешчанская царква
55°18′32″ пн. ш. 27°15′33″ у. д.HGЯO
Краіна	Беларусь
Вёска	Рымкі
Канфесія	Беларуская праваслаўная царква
Епархія	Полацкая і Глыбоцкая
Благачынне	Пастаўскае
Глобус Беларусі	globustut.by/rimki/index…
Медыяфайлы на Вікісховішчы

Свята-Дабравешчанская царква — праваслаўны храм у в. Рымкі Пастаўскага раёна Віцебскай вобласці.

У цэнтры вёскі. Пабудавана ў другой палавіне XIX ст. з цэглы.

Помнік архітэктуры рэтраспектыўна-рускага стылю. Царква вырашана трохчасткавай падоўжна-восевай кампазіцыяй: трох'ярусная (васьмярык на 2 чацверыках) прытвор-званіца, прамавугольная ў плане двух'ярусная малітоўная зала, трохгранная апсіда. Чатырохсхільны дах другога квадратнага ў сячэнні яруса малітоўнай залы і шацёр званіцы завершаны цыбулепадобнымі галоўкамі на васьмігранных барабанах. Фасады прарэзаны адзінарнымі і здвоенымі арачнымі аконнымі праёмамі, крапаваны вуглавымі паўкалонамі, апяразаны зубчастымі фрызамі, дэкарыраваны круглымі разеткамі з рэльефнымі крыжамі. Уваход вырашаны арачным перспектыўным парталам, накрытым кілепадобным казырком.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• На Вікісховішчы ёсць медыяфайлы па тэме Свята-Дабравешчанская царква (Рымкі)
• Свята-Дабравешчанская царква (Рымкі) на сайце Глобус Беларусі (руск.)