Свята-Духаўская царква (Падлессе)

Праваслаўны храм
Свята-Духаўская царква
Званіца каля царквы.
53°04′53,9″ пн. ш. 26°22′18,42″ у. д.HGЯO
Краіна	Беларусь
Вёска	Падлессе
Канфесія	Праваслаўе
Епархія	Пінская і Лунінецкая епархія
Тып будынка	царква
Архітэктурны стыль	беларускае народнае дойлідства з элементамі класіцызму
Дата пабудовы	1750 год
Стан	дзейнічае
Глобус Беларусі	globustut.by/podlese_ly/…
Медыяфайлы на Вікісховішчы

Царква ў гонар Святога духа — праваслаўны храм у в. Падлессе Ляхавіцкага раёна Брэсцкай вобласці.

Пабудавана на паўночнай ускраіне вёскі ў 2-й палове XVIII ст. з дрэва на месцы храма 1637 года, узведзенага па фундацыі мсціслаўскага ваяводы Георгія Сапегі^{[крыніца?]}.

Царква — прыклад традыцыйнай драўлянай культавай пабудовы, у архітэктуры якой выкарыстаны элементы класіцызму.

Будынак складаецца з прамавугольнага ў плане асноўнага аб'ёму і выцягнутай пяціграннай апсіды, да якой з падоўжных бакоў прыбудаваны невялікія рызніцы. Усе аб'ёмы аб'яднаны двухсхільным гонтавым дахам. Галоўны заходні фасад вырашаны ў выглядзе шасцікалоннага порціка, завершанага трапецападобным франтонам. Порцік і апсіда завершаны гранёнымі фігурнымі вежачкамі. Сцены верцікальная ашаляваны дошкамі з нашчыльнікамі, умацаваны брусамі і прарэзаны прамавугольнымі аконнымі праёмамі. Дзвярны праём на галоўным фасадзе мае паўцыркульнае завяршэнне.

Інтэр'ер зальны, перакрыцце бэлечнае з падшыўной столлю. Над уваходам размешчаны хоры, упрыгожаныя балюстрадай.

У царкве — абразы 17-19 стст. Асабліва шануецца і лічыцца цудадзейным абраз «Маці Божая Падлеская» (17 ст.).

Перад храмам пастаўлена мураваная 2-ярусная 4-гранная званіца, завершаная шатром з макаўкай. Архітэктура вырашана ў стылі позняга класіцызму. Грані дэкарыраваны гарызантальнай расшыўкай тынкоўкі, вуглавымі руставанымі лапаткамі, круглымі разеткамі.

• Збор помнікаў гісторыі і культуры Беларусі. Брэсцкая вобласць / рэдкал.: С. В. Марцэлеў [і інш.]. — Мн., 1984, стар. 261.
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

	Свята-Духаўская царква (Падлессе) на Вікісховішчы

• Свята-Духаўская царква (Падлессе) на сайце Radzima.org
• Свята-Духаўская царква (Падлессе) на сайце Глобус Беларусі (руск.)
• Свята-Духаўская царква (Падлессе) на сайце Праваслаўная архітэктура Беларусі (бел.)