Свята-Кацярынінская царква (Гадзічава)

Свята-Кацярынінская царква
	Праваслаўны храм
Свята-Кацярынінская царква
	52°06′10,85″ пн. ш. 31°11′59,59″ у. д.HGЯO
Краіна	Беларусь
Вёска	Гадзічава
Канфесія	Праваслаўе
Епархія	Гомельская і Жлобінская
Благачынне	Гомельскае раённае
Тып будынка	царква
Архітэктурны стыль	класіцызм
Дата пабудовы	1822 год
Статус	Гісторыка-культурная каштоўнасць Беларусі, шыфр 312Г000205шыфр 312Г000205
Стан	дзейнічае
Глобус Беларусі	globustut.by/gadichevo/i…
	Медыяфайлы на Вікісховішчы

Свята-Кацярынінская царква — помнік архітэктуры класіцызму. Пабудаваная ў 1822 годзе з цэглы ў вёсцы Гадзічава Гомельскага раёна.

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.

Архітэктура

Цэнтрычны квадратны ў плане аб’ём завершаны драўляным чатырохгранным плоскім барабанам. Галоўны і бакавыя фасады вылучаныя чатырохкалоннымі порцікамі дарычнага ордара, алтарны — рызалітам. Храм перакрыты пакатым шматгранным шатром. Плоскасныя атынкаваныя фасады расчлянёныя дзвюма ярусамі лучковых аконных праемаў з замковым каменем у ліштвах, аперазаныя міжпаверхавай цягай і прафіляваным карнізам з сухарыкамі.

Інтэр’ер

У цэнтральную залу з плоскай столлю чатырма шырокімі аркамі раскрываюцца вузкія памяшканні прытвора, прыдзелаў з самастойнымі ўваходамі і апсіды, па баках якой вылучаныя невялікія рызніцы абапал апсіды, дзякоўская і хрысцільня — абапал прамавугольнага прытвора. Столь абапіраецца на 4 вуглавыя пілоны, цераз якія перакінуты аркі.

Помнік рэспубліканскага значэння.

Зноскі

Літаратура

Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4