Свята-Мікалаеўская царква (Вяжное)

Свята-Мікалаеўская царква
	Праваслаўны храм
Свята-Мікалаеўская царква
	; Галоўны фасад Свята-Мікалаеўскай царквы
	52°24′21,56″ пн. ш. 24°05′21,28″ у. д.HGЯO
Краіна	Беларусь
Хутар	Вяжное
Канфесія	Беларуская праваслаўная царква
Епархія	Брэсцкая і Кобрынская
Дата пабудовы	1799 год
Статус	Гісторыка-культурная каштоўнасць Беларусі, шыфр 113Г000604шыфр 113Г000604
Глобус Беларусі	globustut.by/vezhnoe/ind…
	Медыяфайлы на Вікісховішчы

Свята-Мікалаеўская царква — праваслаўны храм у в. Вяжное Пружанскага раёна Брэсцкай вобласці. Помнік народнага дойлідства.

Гісторыя

Пабудавана ў 1799 г. з дрэва, рэканструявана ў 1864 г.^[1]

Архітэктура

Царква вырашана працяглым прамавугольным зрубам, які пераходзіць у вышэйшую трохгранную апсіду. Двухсхільны гонтавы дах над апсідай пры дапамозе застрэшкаў пераходзіць у вальмавы, пасярэдзіне завершаны цыбулепадобнай галоўкай на гранёным барабане. Над галоўным фасадам у 1868 г. у дах урэзаны чацвярык званіцы, верхні васьмерыковы ярус якой накрыты шатром з макаўкай. Гарызантальна ашаляваныя бакавыя фасады рытмічна расчлянёны прамавугольнымі аконнымі праёмамі і брусамі-сцяжкамі ў прасценках. Уваход аформлены двухсхільнай навіссю.

Інтэр'ер

Унутры ў малітоўную залу, перакрытую плоскай бэлечнай столлю, выступаюць хоры на 2 слупах; апсіда вылучана нізкім драўляным іканастасам. Абраз 19 ст. «Маці Божая Замілаванне».

Зноскі

↑ НГАб у г. Гродна, ф. 849, воп. 1, спр. 6.

Літаратура

Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4