Свята-Мікалаеўская царква (Дабромысль)

Праваслаўны храм
Свята-Мікалаеўская царква
52°49′02,77″ пн. ш. 25°43′41,18″ у. д.HGЯO
Краіна	Беларусь
Вёска	Дабромысль
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	псеўдарускі стыль
Дата пабудовы	1874 год
Статус	Гісторыка-культурная каштоўнасць Беларусі, шыфр 113Г000301шыфр 113Г000301
Глобус Беларусі	globustut.by/dobromysl/i…
Медыяфайлы на Вікісховішчы

Свята-Мікалаеўская царква — праваслаўны храм у вёсцы Дабромысль Івацэвіцкі раён Брэсцкай вобласці.

Знаходзіцца на ўскраіне вёскі. Пабудавана ў 1874 г. з цэглы паводле тыповага праекта^[1].

Помнік архітэктуры сінадальнага накірунку рэтраспектыўна-рускага стылю. Храм чатырохчасткавай падоўжана-восевай кампазіцыі, якая ўключае двух'ярусную чатырохгранную званіцу, прамавугольныя ў плане трапезную, папярочны аб'ём малітоўнай залы і апсіду. Сферычны купал званіцы і двухсхільны дах асноўнага аб'ёму завершаны цыбулепадобнымі галоўкамі на васьмігранных барабанах. Фасады прарэзаны арачнымі (здвоенымі ў асноўным аб'ёме) аконнымі праёмамі ў плоскасных руставаных ліштвах. У дэкоры фасадаў выкарыстаны прамавугольныя панэлі, зубчастыя фрызы, прафіляваныя карнізы.

Зала храма адмежавана ад апсіды двух'ярусным драўляным іканастасам (разьбяр А.Трэхнер). Абразы 18 ст. «Маці Божая Адзігітрыя» і «Святы Мікалай», драўляная скульптура «Укрыжаванне».

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000301

• На Вікісховішчы ёсць медыяфайлы па тэме Свята-Мікалаеўская царква (Дабромысль)
• Свята-Мікалаеўская царква (Дабромысль) на сайце Radzima.org
• Свята-Мікалаеўская царква (Дабромысль) на сайце Глобус Беларусі (руск.)
• Свята-Мікалаеўская царква (Дабромысль) на сайце «Архіварта»