Свята-Мікалаеўская царква (Чарасы)

Праваслаўны храм
Свята-Мікалаеўская царква
55°37′45″ пн. ш. 27°43′48″ у. д.HGЯO
Краіна	Беларусь
Вёска	Чарасы
Канфесія	Праваслаўе
Епархія	Полацкая і Глыбоцкая
Благачынне	Мёрскае
Архітэктурны стыль	рэтраспектыўна-рускі
Будаўніцтва	1885—1886 гады
Статус	Гісторыка-культурная каштоўнасць Беларусі, шыфр 213Г000570шыфр 213Г000570
Стан	дзейнічае
Глобус Беларусі	globustut.by/cheressy/in…
Медыяфайлы на Вікісховішчы

Свята-Мікалаеўская царква — праваслаўны храм у в. Чарасы Мёрскага раёна Віцебскай вобласці. Знаходзіцца на ўсходняй ускраіне вёскі.

Пабудавана ў 1885—1886 гадах з цэглы.

Помнік архітэктуры сінадальнага напрамку рэтраспектыўна-рускага стылю. Шмат’ярусная аб’ёмна-прасторавая кампазіцыя складаецца з шатровай званіцы (2 васьмерыкі на чацверыку), трапезнай, кубападобнай малітоўнай залы, 5-граннай апсіды з бакавымі рызніцамі. Асноўны аб’ём завершаны цыбулепадобным купалам на 8-гранным барабане, шацёр званіцы — макаўкай. У дэкаратыўнай апрацоўцы фасадаў выкарыстаны формы старажытнарускага культавага дойлідства — какошнікі, кілепадобныя аркі. Уваход вырашаны магутным арачным парталам на пілонах, акаймаваным кілепадобнай ліштвай.

Абразы мяжы 18 — 19 ст. «Мікалай Цудатворац» і «Цуд Георгія аб змеі».

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000570

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 314—315
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• На Вікісховішчы ёсць медыяфайлы па тэме Свята-Мікалаеўская царква (Чарасы)
• Свята-Мікалаеўская царква (Чарасы) на сайце Глобус Беларусі (руск.)
• Свята-Мікалаеўская царква (Чарасы) на сайце Radzima.org
• Свята-Мікалаеўская царква (Чарасы) на сайце «Архіварта»