Свята-Пакроўская царква (Карма)

Славутасць
Свята-Пакроўская царква
52°20′38″ пн. ш. 31°30′47″ у. д.HGЯO
Краіна	Беларусь
Вёска	Карма
Канфесія	Беларуская праваслаўная царква
Епархія	Гомельская епархія
Архітэктурны стыль	псеўдарускі стыль
Дата пабудовы	XIX стагоддзе
Статус	Гісторыка-культурная каштоўнасць Беларусі, шыфр 313Г000259шыфр 313Г000259
Глобус Беларусі	globustut.by/korma_dobr/…

Свята-Пакроўская царква — праваслаўны храм у в. Карма (Добрушскі раён). Помнік архітэктуры псеўдарускага стылю. Пабудаваная ў другой палове XIX стагоддзя.

У цэнтры вёскі ў Свята-Іаана-Кармянскім жаночым манастыры, заснаваным у 2000 годзе. Пабудавана ў 1906 года з цэглы. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння.

31 мая 1998 года адбылося далучэнне да ліку мясцовашанаваных святых праведнага протаіерэя Іаана Гашкевіча (Кармянскага), чые мошчы, паводле рашэння Сінода Рускай Праваслаўнай Царквы, былі адкрыты для пакланення ў 1997 годзе. З 1996 года пачалося паломніцтва да яго магілы.

Крыжападобная ў плане, трохапсідная. Над сяродкрыжжам невялікая галоўка на чацверыку. Дамінантай аб'ёмна-прасторавай кампазіцыі з'яўляецда высокая двух'ярусная званіца, якая прымыкае да бабінца. Паверхня сцен гарызантальна руставаная. Аконныя і дзвярныя праёмы дэкарыраваны ліштвамі з кілепадобнымі завяршэннямі франтончыкаў, аркамі з паўкалонамі. Неф і трансепт храму перакрытыя цыліндрычнымі скляпеннямі, бабінец — крыжовым, апсіды — конхамі.

Унутры памяшканні царквы перакрыты скляпеннямі — крыжовым у трапезнай, цыліндрычным у малітоўнай зале, конхай у апсідзе. Апсіда вылучана вялізнай аркай і 4-ярусным разным іканастасам. У малітоўную залу адкрыта галерэя хораў.

• Кармянская Пакроўская царква // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. С. 79.
• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• Свята-Пакроўская царква (Карма) на сайце Праваслаўная архітэктура Беларусі (бел.)
• Свята-Пакроўская царква (Карма) на сайце Radzima.org
• Свята-Пакроўская царква (Карма) на сайце Глобус Беларусі (руск.)