Свята-Раства-Багародзіцкая царква (Дзівін)

Славутасць
Свята-Раства-Багародзіцкая царква
51°57′33″ пн. ш. 24°34′26″ у. д.HGЯO
Краіна	Беларусь
Месцазнаходжанне	Дзівін
Канфесія	БПЦ
Епархія	Брэсцкая і Кобрынская епархія
Архітэктурны стыль	псеўдарускі стыль
Дата пабудовы	1902 год
Матэрыял	драўніна
Глобус Беларусі	globustut.by/divin/index…
Медыяфайлы на Вікісховішчы

Свята-Раства-Багародзіцкая царква — праваслаўны храм у вёсцы Дзівін Кобрынскага раёна Брэсцкай вобласці. Знаходзіцца ў цэнтры вёскі.

Царква пабудавана ў 1902 годзе з дрэва. Хадайніцтва аб будаўніцтве новай праваслаўнай царквы на месцы струхлелай было пададзена прыхаджанамі ў 1879 годзе.^[1]

Помнік архітэктуры неарускага стылю. Мае чатырохчасткавую аб’ёна-прасторавую кампазіцыю: прытвор-званіца, кароткі бабінец, кубападобны аб’ём малітоўнай залы з нізкімі бакавымі прыдзеламі, пяцігранная апсіда. Дамінуючы франтальны аб’ём набыў складаную зрубную кампазіцыю: над прамавугольным папярочным зрубам прытвора з кубападобнай узвышанай цэнтральнай часткай узведзены трох’ярусны васьмярык званіцы, завершаны шатром з макаўкай. Над пакатым чатырохсхільным дахам асноўнага аб’ёму надбудаваны нізкі чатырохгранны пастамент для васьміграннага барабана, завершанага цыбулепадобным купалам. Уваход арганізаваны праз нізкі прытвор пад двухсхільным дашкам. Гарызантальна ашаляваныя фасады апяразаны разнымі фрызамі і падзорамі. Унутры апсіда вылучана драўляным іканастасам.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Раства-Багародзіцкая царква (Дзівін)
• Свята-Раства-Багародзіцкая царква (Дзівін) на сайце Radzima.org
• Свята-Раства-Багародзіцкая царква (Дзівін) на сайце Глобус Беларусі (руск.)
• Свята-Раства-Багародзіцкая царква ў Дзівіне на сайце Праваслаўная архітэктура Беларусі (бел.)