Свята-Раства-Багародзіцкая царква (Свяча)

Славутасць
Свята-Раства-Багародзіцкая царква
55°02′00″ пн. ш. 29°16′49″ у. д.HGЯO
Краіна	Беларусь
Вёска	Свяча
Канфесія	БПЦ
Епархія	Віцебская і Аршанская епархія
Дата пабудовы	1895 год
Глобус Беларусі	globustut.by/svecha/inde…

Свята-Раства-Багародзіцкая царква — праваслаўны храм у в. Свяча Бешанковіцкага раёна Віцебскай вобласці. Знаходзіцца на паўднёвай ускраіне вёскі.

Пабудавана ў 1895 годзе з цэглы^[1].

Помнік архітэктуры сінадальнага кірунку рэтраспектыўна-рускага стылю. Чатырохчасткавая падоўжна-восевая прасторавая кампазіцыя фарміруецца папярочным прамавугольным аб’ёмам прытвора з двух’яруснай (васьмярык на чацверыку) шатровай званіцай над ім, кароткай трапезнай, кубападобнай малітоўнай залай з шатровым пакрыццём, прамавугольнай апсідай. Уваход вырашаны арачным праёмам у прафіляваным калонным партале. Прафіляванымі пластычнымі ліштвамі дэкарыраваны арачныя вокны. Са старажытнарускага царкоўнай архітэктуры вуглавыя калонкі-бочкі, кілепадобная ліштва праёмаў званіцы. У дэкоры таксама выкарыстаны зубчастыя фрызы, прамавугольныя нішы і круглыя люкарны, магутны пераметральны антаблемент з прафіляваным карнізам на сухарыках.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Свята-Раства-Багародзіцкая царква (Свяча) на сайце Глобус Беларусі (руск.)
• Свята-Раства-Багародзіцкая царква (Свяча) на сайце Radzima.org