Свята-Троіцкая царква (Рось)

Праваслаўны храм
Свята-Троіцкая царква
53°17′00,6″ пн. ш. 24°24′18,66″ у. д.HGЯO
Краіна	Беларусь
Гарадскі пасёлак	Рось
Канфесія	Беларуская праваслаўная царква
Епархія	Гродзенская і Ваўкавыская епархія
Дата пабудовы	1908 год
Стан	дзейнічае
Глобус Беларусі	globustut.by/ross/index.…
Медыяфайлы на Вікісховішчы

Свята-Троіцкая царква — помнік архітэктуры псеўдарускага стылю. Размешчаная ў цэнтры гарадскога пасёлка Рось (Ваўкавыскі раён, Гродзенская вобласць).

Закладзена ў 1908 годзе з цэглы на бутавым цокалі, неатынкаваная.

Царква дзейнічае.

Уяўляе сабой квадратны ў плане асноўны аб'ём, да якога далучаюцца трохгранная апсіда з рызніцамі і двух'ярусная вежа-званіца, першы ярус якой — чацвярык, другі — васьмігранны, завершаны шатром з галоўкай. Асноўны аб'ём вылучаны васьмігранным светлавым барабанам з цыбулепадобным купалам. Над апсідай — невялікая галоўка. Галоўны ўваход у цэнтры фасаду вылучаны кілепадобным франтонам на паўкалонках. Па баках асноўнага аб'ёму — два бакавыя ўваходы з масіўнымі слупамі і кілепадобным казырком.

У інтэр'еры асноўны аб'ём мае драўлянае васьміграннае шатровае пакрыццё з адтулінай у цэнтры. Прытвор і апсіда маюць мураваныя цыліндрычныя скляпенні. Іканастас драўляны, дэкарыраваны паўкалонкамі, накладной разьбой.

• Архітэктура Беларусі. Энцыклапедычны даведнік. — Мінск, 1993.
• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш.. — Мн.: БелЭн, 2001. — Т. 13. — С. 408. — 576 с. — 10 000 экз. — ISBN 985-11-0216-4 (Т. 13).
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

	Свята-Троіцкая царква (Рось) на Вікісховішчы

• Свята-Троіцкая царква (Рось) на сайце Radzima.org
• Свята-Троіцкая царква (Рось) на сайце Глобус Беларусі (руск.)