Сезар (прэмія, 2020)

45-я прэмія «**Сезар**»
45-я прэмія «Сезар»
Дата	28 лютага 2020
Месца	Salle Pleyel[d];
Узнагароды
Фільм	«Адрынутыя»
Рэжысёр	Раман Паланскі; «Я абвінавачваю»
Акцёр	Рашдзі Зем; «Рубэ, святло»
Актрыса	Анаіс Дэмусцье; «Аліса і мэр»
Найбольш узнагарод	«Адрынутыя» (4)
Найбольш намінацый	«Я абвінавачваю» (12)
	Афіцыйны сайт акадэміі (фр.)
44-я цырымонія	46-я цырымонія

45-я цырымонія прысуджэння прэміі «Сезар» адбылася 28 лютага 2020 года ў Парыжы.

Найлепшым фільмам і пераможцай яшчэ ў трох намінацыях прызнана карціна «Адрынутыя», па тры ўзнагароды адышлі фільмам «Пекная эпоха^[en]» і «Я абвінавачваю»^[1]^[2]^[3].

Пераможцы

Наступныя фільмы і кінематаграфісты сталі лаўрэатамі прэміі «Сезар» у 2020 годзе^[1]^[2]^[3]:

Намінацыя	Пераможца
Найлепшы фільм	«Адрынутыя» (рэж. Ладж Лі^[fr])
Найлепшая рэжысура	Раман Паланскі — «Я абвінавачваю»
Найлепшы акцёр	Рашдзі Зем^[en] — «Рубэ, святло^[en]»
Найлепшая актрыса	Анаіс Дэмусцье^[en] — «Аліса і мэр^[en]»
Найлепшая адаптацыя^[en]	Раман Паланскі, Роберт Харыс — «Я абвінавачваю»
Найлепшая музыка	Дан Леві — «Я страціла сваё цела»
Найлепшы замежны фільм	«Паразіты» (рэж. Пон Джун Хо)
Найлепшыя касцюмы^[en]	Паскалін Шаван^[fr] — «Я абвінавачваю»

Сітуацыя вакол Рамана Паланскага

Фільм Рамана Паланскага «Я абвінавачваю» атрымаў 12 намінацый на нацыянальную французскую кінапрэмію «Сезар». Такое прызнанне карціны кінаакадэмікамі выклікала хвалю абурэння ад праціўнікаў рэжысёра, якія абвінавачваюць яго ў шэрагу сексуальных злачынстваў.

Напярэдадні цырымоніі ўзнагароджання Паланскі выступіў з заявай: «На працягу некалькіх дзён людзі задавалі мне гэтае пытанне: ці буду я прысутнічаць на цырымоніі „Сезар“? У сваю чаргу, я задаю наступнае пытанне: як я магу?.. Тое, як будзе разгортвацца гэтая ноч, мы ўжо ведаем загадзя. Актывісты ўжо пагражаюць мне публічным лінчаваннем, некаторыя абвясцілі аб правядзенні акцый пратэсту перад Залай Плэель. Іншыя маюць намер зрабіць гэта платформай для абвінавачвання (кіруючага органа). Гэта абяцае быць больш падобным на сімпозіум, чым на свята кіно»^[4]. Паланскі заявіў, што прапускае цырымонію, каб абараніць сваю каманду, а таксама жонку і дзяцей, якія «былі вымушаны трываць крыўды і абразы»^[4]. Спасылаючыся на нядаўні скандал у СМІ, які прывёў да масавай адстаўкі сяброў савета «Сезар», Паланскі дадаў: «Прэса і сацыяльныя сеткі прадставілі нашы 12 намінацый так, быццам гэта падарункі, паднесеныя нам саветам дырэктараў акадэміі, як нейкі аўтарытарны жэст, які прывёў да таго, што ім прыйшлося сысці ў адстаўку. Гэта дыскрэдытуе таемнае галасаванне 4 313 прафесіяналаў, кожны з якіх сам вызначаўся з намінацыямі, і больш за 1,5 мільёны гледачоў, якія прыйшлі паглядзець кіно»^[4].

Падчас цырымоніі ўзнагароджання фільм удастоіўся трох прэмій, у тым ліку за найлепшую рэжысуру. Нягледзячы на адсутнасць Паланскага на цырымоніі, яго перамога выклікала хвалю абурэння. Некаторыя з гледачоў дэманстратыўна пакінулі цырымонію і асудзілі вердыкт Акадэміі.