Сергій (Гардун)

Сергій
Сергій
Адукацыя	Маскоўская духоўная акадэмія; Маскоўская духоўная семінарыя[d]; Мінскі дзяржаўны лінгвістычны ўніверсітэт;
Навуковая ступень	кандыдат багаслоўя[d]
Месца працы	Інстытут тэалогіі імя святых Мяфодзія і Кірыла БДУ; Еўрапейскі гуманітарны ўніверсітэт; Мінская духоўная акадэмія; Мінская духоўная семінарыя;
Нараджэнне	4 сакавіка 1959; Дзівін, Дзівінскі сельсавет, Дзівінскі раён, Брэсцкая вобласць, Беларуская ССР, СССР;
Смерць	21 чэрвеня 2022 (63 гады)
Узнагароды	Грамата Патрыяршага экзарха ўсяе Беларусі[d]

Сергій (Гардун; 4 сакавіка 1959, в. Дзівін, Кобрынскі раён, Брэсцкая вобласць — 21 чэрвеня 2022^[1]) — беларускі праваслаўны царкоўны дзеяч, прафесар.

Біяграфія

Скончыў Мінскі дзяржаўны педагагічны інстытут замежных моў, факультэт англійскай мовы (1981), затым Маскоўскую духоўную семінарыю (1984) і Маскоўскую духоўную акадэмію (1987). Кандыдат багаслоўя (1990), тэма кандыдацкай дысертацыі — «Пастырства іерасхіманаха Макарыя (Іванова)».

Жыў у Слоніме. У 1994 годзе пераехаў у Мінск, пачаў выкладаць на факультэце тэалогіі Еўрапейскага гуманітарнага ўніверсітэта, які ў 2004 годзе быў пераведзены ў склад БДУ. Дацэнт (2000), затым прафесар (2011) Мінскай духоўнай акадэміі і семінарыі. Адначасова загадчык кафедрай біблейскіх і царкоўна-гістарычных дысцыплін Інстытута тэалогіі БДУ (з 2005). Са студзеня 2018 года прызначаны першым прарэктарам Інстытута тэалогіі БДУ.

Валодаў дзевяццю мовамі: беларускай, рускай, украінскай, грэчаскай, лацінскай, царкоўна-славянскай, англійскай, французскай, польскай^[2]. Кіраваў рабочай групай, якая ажыццявіла пераклад Новага Запавету на беларускую мову.