Спаса-Праабражэнская царква (Грыцкавічы)

Праваслаўны храм
Спаса-Праабражэнская царква
54°34′50″ пн. ш. 28°56′24″ у. д.HGЯO
Краіна	Беларусь
Месцазнаходжанне	Грыцкавічы
Канфесія	Праваслаўе
Епархія	Барысаўская епархія Крупскае благачынне
Медыяфайлы на Вікісховішчы

Спаса-Праабражэнская царква — праваслаўны храм у вёсцы Грыцкавічы Крупскага раёна Мінскай вобласці.

На высокім узгорку, на паўднёва-заходняй ускраіне вёскі, на могілках. Пабудавана каля 1822 г. з дрэва. Двух’ярусная слуповая шатровая званіца стаяла асобна перад царквой. Была прыпісана да Халопеніцкай Успенскай царквы'. Каля царквы захаваўся старажытны каменны крыж.

Твор народнага дойлідства. Вырашана кампактным прамавугольным зрубам на бутавым падмурку і пад вальмавым дахам (гонтавы перакрыты бляхай у 1979), якія пераходзяць у шатровы над пяціграннай апсідай з нізкімі бакавымі рызніцамі. Дах па цэнтры завершаны васьмігранным шатровым барабанам з невялікай макаўкай на вузкай шыі. Уваходы праз двухслуповы ганак з двухсхільнай навіссю. Вертыкальна ашаляваныя сцены апяразаны падкарнізнай аркатурай і маюць па адным прамавугольным (у апсідзе лучковым) аконным праёме, расчлянёным брусамі-сцяжкамі.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• На Вікісховішчы ёсць медыяфайлы па тэме Спаса-Праабражэнская царква (Грыцкавічы)
• РДГА, ф. 799, воп. 33, спр. 822, арк. 99;
• Описание церквей и приходов Минской епархии. Игуменский уезд. Мн., 1879. С. 245.