Спаса-Праабражэнская царква (Новая Папіна)

Праваслаўны храм
Спаса-Праабражэнская царква
52°07′38″ пн. ш. 25°07′30″ у. д.HGЯO
Краіна	Беларусь
Аграгарадок	Новая Папіна
Канфесія	БПЦ
Епархія	Брэсцкая і Кобрынская епархія
Дата пабудовы	1810 год
Статус	Гісторыка-культурная каштоўнасць Беларусі, шыфр 113Г000209шыфр 113Г000209
Глобус Беларусі	globustut.by/nov_popina/…
Медыяфайлы на Вікісховішчы

Спаса-Праабражэнская царква — праваслаўны храм у в. Новая Папіна Драгічынскага раёна Брэсцкай вобласці.

У цэнтры вёскі. Храм пабудаваны ў 1810 г. з дрэва на месцы царквы 1723 г.^[1]

Помнік народнага дойлідства. Вырашана працяглым прамавугольным у плане зрубам, накрытым вальмавым дахам, завершаным па цэнтры цыбулепадобнай галоўкай. З усходу далучана пяцігранная апсіда з бакавой рызніцай, з захаду — прамавугольны прытвор, над якім у другой палавіне XX стагоддзя ўзведзена двух’ярусная чатырохгранная шатровая званіца з макаўкай. Гарызантальна ашаляваныя бакавыя фасады расчлянёны лучковымі аконнымі праёмамі і брусамі-сцяжкамі ў прасценках, апяразаны цокальным поясам з вертыкальнай шалёўкай.

Зала перакрыта плоскай столлю па бэльках, апсіда вылучана драўляным іканастасам, выкананым у 1830-я гады.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000209

• Спаса-Праабражэнская царква (Новая Папіна) на сайце Radzima.org
• Спаса-Праабражэнская царква (Новая Папіна) на сайце Глобус Беларусі (руск.)
• Спаса-Праабражэнская царква (Новая Папіна) на сайце «Архіварта»