Срэбра ў геральдыцы

Срэ́бра^[1] — адзін з двух геральдычных металаў, традыцыйная назва для белага колеру ў геральдыцы. У геральдычнай літаратуры прысутнічае таксама назва «срэбраны».

У гербах прынцаў выражаецца тэрмінам «lune», у гербах пэраў — «perle», ва ўсіх іншых — «argent».

У гербах выкарыстоўвалася ўласна срэбра або іншы белы метал, а таксама «срэбраная» або белая фарба. Калі жадалі падкрэсліць, што гербавая фігура «жывая», то пры блазаніраванні асабліва абгаворвалі, што ўжываецца «белы» як самастойны колер.

Графічна ў чорна-белым варыянце колер пазначаецца незафарбаваным полем.

Срэбра ў геральдыцы традыцыйна сімвалізуе нявіннасць, беззаганнасць, мудрасць, ціхамірную радасць, цнатлівасць, высакародства, чысціню, шчырасць, надзею, праўдзівасць, малодшую галіну роду.

У сярэдневяковай астраноміі срэбру адпавядаў Месяц, у алхіміі — жэмчуг, стыхія — вада.