Чырвоны колер у геральдыцы

Чырво́ны ко́лер^[1] — традыцыйная назва для чырвонага колеру і яго адценняў у геральдыцы.

У геральдычнай літаратуры называецца таксама наступнымі словамі: гюльз, рубінавы, кашаніль, чарвец, малінавы. У англійскай геральдыцы выкарыстоўваюцца асаблівыя тэрміны: у гербах прынцаў выражаецца тэрмінам «mars», у гербах пэраў — «rubis», ва ўсіх іншых — «queuls».

Чырвоны колер атрымліваецца змешваннем сурыку і кінавары з перавагай першага.

Графічна ў чорна-белым варыянце колер пазначаецца вертыкальнымі лініямі.

Чырвоны колер у геральдыцы традыцыйна сімвалізуе храбрасць, смеласць, мужнасць, бясстрашнасць, права, агонь, цеплыню, любоў, велікадушнасць, чырвонае поле, кроў, пралітую за сюзерэна, рэлігійныя або палітычныя ідэалы.

У сярэдневяковай астраноміі чырвонаму колеру адпавядаў Марс, у алхіміі — рубін і жалеза, стыхія — агонь.