Страфадэс

Страфадэс
грэч. Στροφάδια
Манастыр на Стамфані
Характарыстыкі
Колькасць астравоў	2
Найбуйнейшы востраў	Стамфані
Агульная плошча	1,35 км²
Насельніцтва	1 чал.
Шчыльнасць насельніцтва	0,74 чал./км²
Размяшчэнне
37°15′ пн. ш. 21°00′ у. д.HGЯO
Архіпелаг	Іанічныя астравы
Краіна	Грэцыя
Страфадэс
Медыяфайлы на Вікісховішчы

Страфадэс (грэч. Στροφάδια; лац.: Strophades; іншыя назвы: Stamfani, Strivali) — два маленькія востравы на тэрыторыі Грэцыі. Яны размяшчаюцца ў 44 км на поўдзень ад паўднёва-ўсходняй часткі вострава Закінфа, у склад якога адміністрацыйна ўваходзяць, і ў 50 км ад паўвострава Пелапанеса.

На поўначы знаходзіцца меншы востраў — Арпія (Άρπυια), плошча якога складае 0,176 км²; на поўдні — востраў Стамфані (Σταμφάνη), або Мегала Строфадзі (Μεγάλο Στροφάδι), плошчаю 1,18 км². Цяпер астравы не маюць насельніцтва; да 2014 года ў адзіным будынку на востраве Стамфані — вялікім манастыры — жыў адзін манах.

На скалістых астравах мала расліннасці і няма пясчаных пляжаў. Самае высокае месца падымаецца на 30 метраў над узроўнем мора. Астравы належаць Эладскай праваслаўнай царкве, якая забараніла займацца там паляваннем.

Астравы вядомыя па ўсёй Грэцыі дзякуючы іх прыроднай прыгажосці. Шматлікія птушкі жывуць на іх.

За шмат гадоў манахі, што насялялі астравы, ацанілі іх урадлівасць, вырошчваючы тут цытрусавыя розных гатункаў. Манастыр Збавіцеля (Το μοναστήρι του Σωτήρος) быў пабудаваны ў XIII стагоддзі. Астравы з’яўляюцца папулярным прыпынкам на шляху ў Афрыку і з Афрыкі для больш як 1.000 відаў птушак, грэчаскім урадам прадугледжана стварэнне тут марскога запаведніка.

Цяпер астравы ўваходзяць у Нацыянальны марскі запаведнік Закінфа, па гэтай прычыне забаронена іх наведваць. За нагляд адказваюць Адміністрацыя нацыянальных запаведнікаў і берагавая ахова.

Артыкулу нестае спасылак на крыніцы. Змест артыкулаў мусіць быць правяральным або іх могуць выдаліць. Вы можаце адрэдагаваць артыкул і дадаць спасылкі на аўтарытэтныя крыніцы. Шаблон пастаўлены 28 чэрвеня 2022 года.