Страхавальнік

Страхавальнік — гэта юрыдычная асоба ці дзеяздольная фізічная асоба, якая заключыла са страхоўшчыкам дагавор страхавання, або з’яўляецца страхавальнікам паводле закона.

Страхавальнікі — грамадзяне, у тым ліку замежныя, асобы без грамадзянства, арганізацыі, у тым ліку замежныя і міжнародныя, а таксама Рэспубліка Беларусь і яе адміністрацыйна-тэрытарыяльныя адзінкі, замежныя дзяржавы, якія заключылі са страхоўшчыкамі дагаворы страхавання або з’яўляюцца гэтакімі паводле закона ці акта Прэзідэнта Рэспублікі Беларусь

— Грамадзянскі кодэкс РБ, раздзел 48, артыкул 817)

Страхавальнікі могуць афармляць са страхоўшчыкамі дагаворы аб страхаванні трэціх асоб (застрахаваных асоб), але ў некаторых краінах (у тым ліку і ў Беларусі) толькі са згоды гэтых трэціх асоб, акрамя толькі выпадкаў, прадугледжаных законам. Застрахаваныя асобы могуць набываць правы і абавязкі страхавальніка паводле дагавора страхавання.

Страхавальнікі маюць права пры афармленні дагавораў асабістага страхавання прызначаць пры згодзе застрахаванай асобы грамадзян ці юрыдычных асоб (выгаданабытчык) для атрымання страхавых выплат, а таксама замяняць іх да наступлення страхавога выпадку, калі гэта прадугледжана законам і/або дагаворам страхавання.

Страхавальнікі маюць права пры афармленні дагавораў страхавання іншых, чым дагаворы асабістага страхавання, прызначаць грамадзян ці юрыдычных асоб (выгаданабытчыкаў), якія могуць панесці страты ў выніку наступлення страхавога выпадку, для атрымання страхавога пакрыцця, а таксама замяняць іх да наступлення страхавога выпадку, калі іншае не прадугледжана законам.

Артыкулу нестае спасылак на крыніцы. Змест артыкулаў мусіць быць правяральным або іх могуць выдаліць. Вы можаце адрэдагаваць артыкул і дадаць спасылкі на аўтарытэтныя крыніцы.