Стрэчанская царква (Драгічын)

Царква ў гонар Стрэчання Гасподняга
	Праваслаўны храм
Царква ў гонар Стрэчання Гасподняга
	; Царква летам 2020
	52°11′12,35″ пн. ш. 25°09′07,36″ у. д.HGЯO
Краіна	Беларусь
Горад	Драгічын
Канфесія	Беларуская праваслаўная царква
Епархія	Брэсцкая і Кобрынская
Благачынне	Драгічынская
Архітэктурны стыль	рэтраспектыўна-рускі стыль
Архітэктар	Т. Савіч
Дата пабудовы	1862 год
Статус	Гісторыка-культурная каштоўнасць Беларусі, шыфр 113Г000174шыфр 113Г000174
Стан	Дзейнічае
Сайт	drogblag.by
Глобус Беларусі	globustut.by/drogichin/i…
	Медыяфайлы на Вікісховішчы

Царква ў гонар Стрэчання Гасподняга — праваслаўны храм у г. Драгічын Брэсцкай вобласці. Помнік рэтраспектыўна-рускага стылю.

Гісторыя

На вул Леніна. Пабудавана ў 1862 г. з дрэва паводле праекта архітэктара Т. Савіча^[1]. Ранейшая драўляная царква да сярэдзіны 19 ст. прыйшла ў заняпад (была вырашана ў стылі барока з дзвюхвежавым галоўным фасадам трохнефнага яруснага аб'ёму).

Архітэктура

Чатырохсценны зруб пад двухсхільным дахам. На франтальным фасадзе трох'ярусная чацверыковая званіца з макаўкай, якая завяршае шацёр. Галоўны ўваход аформлены двухслуповым ганкам. Архітэтурны рытм бакавых фасадаў ствараецца раўнамерна размешчанымі стральчатымі аконнымі праёмамі і брусамі-сцяжкамі ў прасценках.

Інтэр'ер

У малітоўную залу выступаюць балюстрадныя хоры на 2 слупах, апсіда вылучана іканастасам. Абразы 19 ст.: «Маці Божая Замілаванне», «Спас Пантакратар», «Маці Божая Вастрабрамская» (у сярэбранай чаканай арнаментальнай рызе сярэдзены 18 ст.), «Стрэчанне».

Зноскі

↑ НГАБ у г. Гродна, ф. 8, воп. 1, спр. 1327, арк. 8.

Літаратура

Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.