Сцяпан Паўлавіч Мельнік

Сцяпан Паўлавіч Мельнік
руск.: Степан Павлович Мельник
Дата нараджэння	13 жніўня 1883(1883-08-13)
Месца нараджэння	Лохвіцкі павет[d], Палтаўская губерня, Расійская імперыя
Дата смерці	28 чэрвеня 1938(1938-06-28) (54 гады)
Месца смерці	Менск, Менская вобласць, БССР, СССР
Грамадзянства	Расійская імперыя,  СССР
Род дзейнасці	навуковец
Навуковая сфера	батаніка, лесаводства і феналогія[d]
Месца працы	Харкаўскі нацыянальны аграрны ўніверсітэт імя В. В. Дакучаева Беларуская дзяржаўная сельскагаспадарчая акадэмія БДУ Цэнтральны батанічны сад Нацыянальнай акадэміі навук Беларусі сельскагаспадарчая секцыя Інбелкульта
Навуковая ступень	доктар біялагічных навук
Навуковае званне	прафесар, член-карэспандэнт АН БССР
Альма-матар	Санкт-Пецярбургскі дзяржаўны лесатэхнічны ўніверсітэт (1911)

Сцяпан Паўлавіч Ме́льнік^[1] (руск.: Степан Павлович Мельник; 13 жніўня 1883 — 28 чэрвеня 1938) — вучоны, батанік і лесавод, доктар біялагічных навук (1935), член-карэспандэнт Акадэміі навук БССР (1936), прафесар (1923).

Нарадзіўся ў сяле Засулле Лохвіцкага павета Палтаўскай губерні (сучасны Лохвыцкі раён Палтаўскай вобласці Украіны). У 1911 годзе скончыў Пецярбургскі лясны інстытут (сучасны Санкт-Пецярбургскі дзяржаўны лесатэхнічны ўніверсітэт). З 1914 па 1919 год выкладаў у Харкаўскім інстытуце сельскай і лясной гаспадаркі. З 1923 года ў Горацкім сельскагаспадарчым інстытуце на пасадзе прафесара кафедры агульнага лесаводства. У 1926—1930 гадах займаў пасаду дырэктара Цэнтральнай лясной доследнай станцыі БССР. У 1933—1938 гадах — дырэктар Цэнтральнага батанічнага сада Акадэміі навук БССР^[2].

28 лютага 1938 года быў арыштаваны органамі НКУС БССР і ў гэтым жа годзе расстраляны^[3]. Рэабілітаваны ў 1957 годзе.

Аўтар навуковых прац па лесаводстве, дэндралогіі, феналогіі. Распрацаваў праграмы і інструкцыі па лесафеналагічных назіраннях, правёў тыпалагічнае вывучэнне лясоў БССР. Таксама займаўся даследаваннем паркаў і іншых дэндралагічных аб’ектаў.

Аўтар 70 навуковых прац, у тым ліку 4 манаграфій^[3]. Сярод іх:

• Таблицы для определения главнейших деревьев и кустарников. — Горы-Горки, 1925.,
• Лесофенологические наблюдения. — Горы-Горки, 1928.

• Мельнік Сцяпан Паўлавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 277. — 10 000 экз. — ISBN 985-11-0035-8. — ISBN 985-11-0169-9 (т. 10).
• Мельнік Сцяпан Паўлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 476. — 800 с. — 5 000 экз. — ISBN 985-11-0026-9.

• Сцяпан Паўлавіч Мельнік у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• История кафедры лесоводства. К 85-летию Белорусского государственного технологического университета. (руск.)
• МЕЛЬНИК Степан Павлович (13.08.1883 — 28.06.1938) (руск.) // Інстытут эксперыментальнай батанікі імя В. Ф. Купрэвіча НАН Беларусі
• Степан Павлович Мельник (руск.) // Сайт БДУ
• Цыганов, А. Р. Гордость и слава Белорусской государственной сельскохо-зяйственной академии. Профессора и выпускники — академики и члены-корреспонденты / А. Р. Цыганов, П. А. Саскевич, В. М. Лившиц. — Горки: БГСХА, 2017. — С. 24. — 163с. (руск.) — ISBN 978-985-467-707-1.