Сяргей Аляксандравіч Каўроўскі

Сяргей Аляксандравіч Каўроўскі
Сяргей Аляксандравіч Каўроўскі
Дата нараджэння	1890
Месца нараджэння	Гомель, Гомельскі павет, Магілёўская губерня, Расійская імперыя;
Дата смерці	мерк. 1944
Месца смерці	Гомель, Гомельская вобласць, БССР, СССР;
Род дзейнасці	мастак
Месца працы	Гомельская мастацкая студыя-школа імя М. Урубеля[d];
Вучоба	Вышэйшыя мастацка-тэхнічныя майстэрні;
Уплыў	Пётр Іванавіч Келін[d]
Член у	Усебеларускае аб'яднанне мастакоў[d];
	Медыяфайлы на Вікісховішчы

Сяргей Аляксандравіч Каўроўскі (1890, Гомель — 1944 (?), Гомель) — беларускі мастак.

Біяграфія

Удзельнік выставак з 1911 года.

У годзе выкладаў у Гомельскай мастацкай студыі-школе імя М. Урубеля (кіраўнік дэкаратыўнай майстэрні). Вучыўся ў Вышэйшых мастацка-тэхнічных майстэрнях (1921), у майстэрні П. Келіна^[ru] ў Маскве (1923). Пасля вартыння з Масквы ў 1924—1926 гадах ізноў выкладаў у студыі-школе імя М. Урубеля, у 1926—1941 гадах — у студыі пры Палацы чыгуначнікаў у Гомелі^[1]. Каўроўскі прымаў у студыю ўсіх жадаючых, таму што лічыў, што, калі чалавек і не будзе мастаком, ён стане адукаваным прыхільнікам, мецэнатам, эстэтам, аматарам жывапісу^[2].

Беларускі мастак, вучань студыі М. Тарасікаў пісаў, што С. Каўроўскі быў адным з найталенавітых мастакоў з новымі рэвалюцыйнымі поглядамі на мастацтва, які заклікаў сваіх вучняў адзіным фронтам выступіць супраць «гідры контррэвалюцыі ў мастацтве». С. Каўроўскі, успамінаў Тарасікаў, быў вельмі «жывым, прыгожым, высокім, стройным чалавекам з вялікімі выразнымі і абаяльнымі вачамі. Ён падабаўся вучням сваёй унутранай і знешняй прыгажосцю, асабліва дзяўчатам. Каўроўскі марыў пра вялікі калектыў мастакоў-аднадумцаў, таму што адзін індывідуаліст нічога не зробіць са старым перайманнем акадэмічнай школе»^[2].

У студзені 1929 г. працы С. Каўроўскага былі прадстаўлены на трэцяй Усебеларускай мастацкай выстаўцы. Атрымаў першую прэмію на першай мастацкай выстаўцы ў Гомель, арганізаванай Гомельскім аддзяленнем Усебеларускага аб’яднання мастакоў у сакавіку 1929 г^[2]. У 1927—1932 гадах член Усебеларускага аб’яднання мастакоў. Жыў у Гомелі^[1].