Тадэвуш Ісаковіч-Залескі

Тадэвуш Ісаковіч-Залескі
Тадэвуш Ісаковіч-Залескі
	польск.: Tadeusz Isakowicz-Zaleski
Дзейнасць	паэт, прафсаюзны дзеяч, клірык, pastor, каталіцкі святар, пісьменнік
Нараджэнне	7 верасня 1956; Кракаў, Кракаўскае ваяводства, Польская Народная Рэспубліка;
Смерць	9 студзеня 2024 (67 гадоў); Хшанаў, Гміна Хшанаў, Хшаноўскі павет, Малапольскае ваяводства, Польшча;
Бацька	Jan Zaleski[d]
Узнагароды	Pro Bono Poloniae Medal[d] медаль Святога Георгія[d]
	Медыяфайлы на Вікісховішчы

Тадэвуш Бохдан Ісаковіч-Залескі (польск.: Tadeusz Bohdan Isakowicz-Zaleski; нар. 7 верасня 1956, Кракаў) — польскі армянін, каталіцкі святар армянскага і лацінскага абраду, гісторык Касцёла.

Біяграфія

Крэўны архібіскупа львоўскага армянскага абраду Ізаака Мікалая Ісаковіча (1824—1901). Ужо за студэнцкім часам быў дзеячам апазіцыі — быў сябрам Студэнцкага Камітэта Салідарнасці, рэдактарам нелегальнай газеты. У 1983 годзе быў высвечаны на ксяндза і атрымаў накіраванне на вучобу ў Рым, але 3 разы не атрымаў пашпарту. Стаў апекунам рабочых у Кракаве — Новай Гуце. У 1985 годзе два разы быў жорстка збіты функцыянерамі бяспекі^[4]. Удзельнічаў у страйках.

Старшыня фонду Святога брата Альберта, які апякуе інвалідаў. Папулярызатар ведаў пра армян. З 2001 года пастар армян у паўднёвай Польшчы. Пасля рэарганізацыі армянскіх структур, з 1 снежня 2009 года пробашч армянскай парафіі ў горадзе Глівіцы^[5]. З 2009 года з’яўляецца таксама прадстаўніком меншасці армян у Супольнай камісіі ўрада і нацыянальных меншасці^[6].

З 2006 года яўна выступае з пастулатам люстрацыі ў Касцёле (раскрыцця ксяндзоў-даносчыкаў бяспекі), за што яго моцна крытыкуюць. Абвяшчае таксама патрабаванні асуджэння валынскай бойні палякаў.

У 1999 і 2006 гадах узнагароджаны Ордэнам Адраджэння Польшчы.

Публікацыі

Słownik biograficzny księży ormiańskich i pochodzenia ormiańskiego w Polsce w latach 1750—2000 (2001),
Arcybiskup ormiański Izaak Mikołaj Isakowicz «Złotousty» : duszpasterz, społecznik i patriota 1824—1901 (2001),
Księża wobec bezpieki na przykładzie archidiecezji krakowskiej (2007)^[7],
Przemilczane ludobójstwo na Kresach (2008).