Тамара Міхайлаўна Пастуніна

Тамара Міхайлаўна Пастуніна
Дата нараджэння	14 лютага 1924(1924-02-14)
Месца нараджэння	Гомель, Гомельскі павет, Гомельская губерня, РСФСР, СССР
Дата смерці	10 кастрычніка 1981(1981-10-10) (57 гадоў)
Краіна	БССР
Альма-матар	Расійская акадэмія музыкі імя Гнесіных[d] (1952) Беларуская дзяржаўная акадэмія музыкі
Месца працы	Туркменскі тэатр оперы і балета[d] Нацыянальны акадэмічны Вялікі тэатр оперы і балета Рэспублікі Беларусь Беларуская дзяржаўная філармонія Беларуская дзяржаўная акадэмія музыкі
Музычная дзейнасць
Прафесіі	оперная спявачка
Пеўчы голас	сапрана
Грамадская дзейнасць
Член у	БСТД
Узнагароды

Тамара Міхайлаўна Пастуніна (14 лютага 1924, Гомель — 10 кастрычніка 1981) — беларуская спявачка (лірыка-каларатурнае сапрана), педагог. Заслужаная артыстка БССР (1955).

Вучылася ў 1948—1952 гадах у Маскоўскім музычна-педагагічным інстытуце імя Гнесіных, у 1956 годзе скончыла Беларускую дзяржаўную кансерваторыю. У 1945—1948 гадах салістка Ашхабадскага тэатра оперы і балета, у 1952—1962 гадах Дзяржаўнага тэатра оперы і балета БССР, у 1962—1972 гадах Беларускай дзяржаўнай філармоніі. З 1972 г. выкладчык Беларускай кансерваторыі. Валодала тэхнічна рухомым голасам прыгожага цёплага тэмбру, яркім артыстычным талентам.

Стварыла запамінальныя выявы ў класічных операх:

• Антаніда («Іван Сусанін» М. Глінкі),
• Марфа («Царская нявеста^[ru]» М. Рымскага-Корсакава),
• Разіна («Севільскі цырульнік» Дж. Расіні),
• Віялета, Джыльда («Травіята», «Рыгалета» Дж. Вердзі),
• Лэйлы («Шукальнікі жэмчугу^[ru]» Ж. Бізэ).

Талент спявачкі найбольш праявіўся ў партыях Марфачкі («Дзяўчына з Палесся» Я. Цікоцкага) і Ганны («Страшны двор» С. Манюшкі).

Член Беларускага саюза тэатральных дзеячаў з 1956 года.

• Пастуніна Тамара Міхайлаўна // Беларуская Савецкая энцыклапедыя. У 12 т. Т. 8: Паддубнікі — Рабкі / Рэдкал.: П. У. Броўка ( гал. рэд.) і інш. — Мн.: Гал. рэд. Беларус. Сав. Энцыкл., 1972. — С. 309.
• Пастуніна Тамара Міхайлаўна // Беларуская энцыклапедыя . У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: Бел Эн, 2001. — С. 173.
• Пастуніна Тамара Міхайлаўна // Тэатральная Беларусь: Энцыклапедыя: У 2 т. Т. 2: Лабанок — Яшчур / Рэдкал.: Г. П. Пашкоў. — Мн.: Бел Эн, 2003. — С. 243.