Таццяна Сяргееўна Кузіна

Таццяна Сяргееўна Кузіна (нар. 26 красавіка 1973(1973-04-26), Мінск) ― беларуская даследчыца, грамадская дзяячка, лектарка, экспертка ў сферы грамадзянскай супольнасці, грамадзянскага ўдзелу і публічнага адміністравання.

Нарадзілася 26 красавіка 1973 года ў Мінску.

Працавала ў ЕГУ з 1996 па 2009, была намесніцай дэкана Франка-беларускага факультэта палітычных і адміністрацыйных навук, узначальвала Офіс публічных і міжнародных сувязяў, выкладала на бакалаўрскай праграме «Палітычныя і еўрапейскія даследаванні»^[1].

У 2010—2015 гадах была выканаўчай дырэктаркай Беларускага інстытуту стратэгічных даследаванняў (BISS), а таксама супрацоўнічала з Беларускай даследчай радай (BRC) ды іншымі навукова-даследчымі цэнтрамі і арганізацыямі грамадзянскай супольнасці на працягу ўсёй сваёй кар’еры^[1].

Магістарка палітычных навук ЕГУ. Выкладала ў Еўрапейскім гуманітарным універсітэце^[1].

Таццяна стаяла ля вытокаў стварэння Школы маладых менеджараў публічнага адміністравання (SYMPA) і Беларускага інстытута рэформы і трансфармацыі публічнага адміністравання (BIPART), у межах якіх выкладала і займалася даследчай дзейнасцю^[1].

Таццяна Кузіна зрабіла важны ўнёсак у шматлікія праграмныя, стратэгічныя і даследчыя дакументы, у тым ліку ў рамках удзелу SYMPA ў EU-STRAT — міжнародным даследчым праекце, які ажыццяўляўся кансорцыумам вядучых еўрапейскіх універсітэтаў (уключна са Свабодным універсітэтам Берліна і Лейдэнскім унівэрсітэтам ў Нідэрландах) і навукова-даследчых цэнтраў (think tanks) у 2016—2019^[2].

28 чэрвеня 2021 года арыштаваная ў Мінскім аэрапорце. Ёй былі прад’яўлены абвінавачванні па па частцы 1 артыкула 357 КК (дапамога дзеянням, учыненым з мэтай захопу ўлады) і па частцы 3 артыкула 361 (заклікі да дзеянняў, накіраваных на прычыненне шкоды нацыянальнай бяспецы)^[3].

20 ліпеня 2021 года разам з іншымі арыштаванымі калегамі была прызнаная палітзняволенай^[4].

6 лютага 2023 года ў Мінску пачаўся суд над Таццянай Кузінай і Валерыяй Касцюговай. У залежнасці ад ролі Таццяну Кузіну і Валерыю Касцюгову абвінавачвалі па трох артыкулах КК: ч. 1 арт. 357 («дапамога дзеянням, учыненым з мэтай захопу ўлады»), ч. 3 арт. 361 («заклікі да дзеянняў, накіраваных на прычыненне шкоды нацыянальнай бяспецы») і ч. 3 арт. 130 («распальванне іншай сацыяльнай варожасці»)^[5].

17 сакавіка 2023 года Таццяне Кузінай і Валерыі Касцюговай прысудзілі па 10 гадоў калоніі агульнага рэжыму^[6].