Травасумесь

Травасу́месь^[1][2], травяная сумесь^[2] — травастой з некалькіх відаў сеяных аднагадовых ці шматгадовых траў.

Травасумесі выкарыстоўваюцца пад выпас жывёлы, на зялёны корм, для нарыхтоўкі сена, сенажу, сіласу, травяной і сянной мукі, у зялёным будаўніцтве пры стварэнні газонаў.

Віды траў у травасумесі падбіраюць з улікам біялагічных уласцівасцей і аграэкалагічных патрабаванняў. Простыя травасумесі складаюцца з 2—5, складаныя — з больш за 5 відаў^[1][3]. Вылучаюць кароткатэрміновыя травасумесі (выкарыстоўваюцца на працягу 3—4 гадоў), сярэдняй працягласці (5—7 гадоў) і шматгадовыя (10—15 гадоў)^[1][3]. Для стварэння сенажатных угоддзяў выкарыстоўваюцца травы з аднолькавым вегетацыйным перыядам і тэрмінамі праходжання феналагічных фаз. У пашавыя травасумесі ўключаюць віды з рознымі тэрмінамі выспявання.

У параўнанні з пасевамі траў аднаго віду травасумесі маюць большую ўраджайнасць, менш засмечваюцца пустазеллем і псуюцца шкоднікамі, больш эфектыўна выкарыстоўваюць святло, вільгаць, пажыўныя рэчывы з глебы, забяспечваюць лепшую якасць кармоў і ахвотней паядаюцца жывёламі.

• Травасу́месь // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 495. — 10 000 экз. — ISBN 985-11-0035-8. — ISBN 985-11-0251-2 (т. 15).
• Рудэнка Я. У. Травасу́месі, травяныя сумесі // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 95—96. — 583 с., іл. — 10 000 экз.
• Травосме́си, траяные смеси / Минина И. П. // Т. 26. Тихоходки — Ульяново. — М. : Советская энциклопедия, 1977. — С. 132. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Травосме́сь // Сельскохозяйственный энциклопедический словарь (руск.) / Редкол.: В. К. Месяц (гл. ред.) и др. — М.: Советская энциклопедия, 1989. — С. 544. — 565 с. — 100 000 экз.
• Травосмеси // Сельскохозяйственный словарь-справочник / Главный редактор А. И. Гайстер — М.— Л.: Государстенное издательство колхозной и совхозной литературы «Сельхозгиз», 1934. (руск.)